Abakandida umunani mu biyamamaje ku mwanya wa perezida muri Republika ya Demokrasi ya Congo basabye ko ibyavuye mu matora yo mu kwezi gushize biteshwa agaciro kuko yabayemo ubujura.

Sponsored Ad

Mu kiganiro n’abanyamakuru kuri uyu wa gatandatu, Anzuluni, Diongo, Fayulu, Katumbi, Kikuni, Matata, Mukwege na Sesanga bavuze ko babisabye nyuma y’aho CENI iteshereje agaciro intsnzi y’abadepite 82, inasesa ibyavuye mu matora yose mu karere ka Yakoma (Nord-Ubangi).

Martin Fayulu agira ati:"Kuba ibyavuye mu matora kuri abo bantu 82 byaraseshwe byerekana ko ubujura bwabaye mu gihugu cyose.

"Ibi byerekana ko habaye ubujura bukabije, na cyane ko bigaragara ko abari bafite imashini zo gutora bose ari abo mu ruhande rumwe rwa Tshisekedi kandi bafite n’akazi muri leta".

Yakomeje avuga ko bitangaje kubona CENI yemera ko habaye ubujura mu matora y’abagize inteko ishinga amategeko gusa kandi amatora yabereye rimwe hakoreshejwe n’agakarita kamwe ko gutora.

Kw’izina ry’abari bitoje bose, Martin Fayulu yavuze ko ubwo busuma bw’amatora bwerekanye ko hariho ugukorana hagati y’umugambwe uri ku butegetsi, inzego za reta hamwe na CENI.

Akomeza asobanura ko ari cyo gituma CENI yananiwe gusubiza ibibazo bijyanye n’ibiro by’amatora yafunguye atinze, imibare y’imishini zo gutora zakoreshejwe, amakarita y’amatora yasohowe hamwe n’imashini zo gutora zahawe Union sacrée.

Abo bakandida biyamamaje mu mwanya w’umukuru w’igihugu basabye kandi ko abagize akanama ko gutegura amatora CENI n’abo bakoranye bashyikirizwa ubutabera.

Hagati aho, amanyanga yagaragaye mu matora yatumye CENI isesa ibyavuye mu matora y’abadepite n’inzego zo hasi i Masimanimba (Kwilu) na Yakoma (Nord-Ubangi).

BBC