skol
Fortebet

RDC: Abasirikare ba MONUSCO bakongeje uburakari bw’abanyekongo nyuma yo kurasa Abasivili ku mugaragaro

Amakuru   Yanditswe na: Dusingizimana Remy 1 August 2022

Abantu b’ingeri zitandukanye bakomeje kwamagana ubwicanyi bwakozwe n’ingabo za MONUSCO ku cyumweru ku mupaka wa Kasindi muri Kivu ya ruguru uhuza DRC na Uganda.

Abantu babiri barishwe abandi bagera kuri 15 barakomereka ubwo izo ngabo zinjiraga ku ngufu zirasa, zivuye mu biruhuko muri Uganda.

Itangazo ry’ibiro by’umunyamabanga mukuru wa ONU, Antonio Guterres, rivuga ko ashyigikiye icyemezo cyo “gufunga abasirikare bakoze ibi no gutangiza iperereza ako kanya”.

Perezida Evariste Ndayishimiye w’u Burundi, yatangaje ubutumwa kuri Twitter ko bakurikinira hafi uko ibintu byifashe muri RDC kandi yamagana ibyabaye i Kasindi.

Denis Mukwege, umunyecongo wahawe igihembo cy’amahoro cya Nobel, yatangaje ko ababajwe n’urugomo “rutakwihanganirwa rw’abasirikare ba ONU ku baturage” n’abapolisi ba RDC.

Mukwege avuga ko yifuza ko habaho ubucamanza kuri iki gikorwa cyabereye i Kasindi.

Bintou Keita, ukuriye ubutumwa bwa ONU bwo kugarura amahoro muri RDC, yatangaje ko ibyakozwe n’abo basirikare “bidafite impamvu ibisobanura”.

Keita yemeza ko bamwe mu babikoze bafashwe bagafungwa kandi iperereza ryatangiye.

Naho minisiteri y’itumanaho ya RDC yatangaje ko abasirikare ba ONU bakoze ibi batazongera kwemererwa gukorera muri iki gihugu.

Amashusho yashyizwe ku mbuga nkoranyambaga yarekana abasirikare ba ONU binjira ku ngufu ku mupaka wa Kasindi, nyuma y’impaka zabanje kubaho.

Aba basirikare ba ONU barashe amasasu kugira ngo binjire maze abantu bakwira imishwaro, bakomeje kurasa mu gihe imodoka zabo zatambukaga muri ‘centre’ ya Kasindi.

Kuva mu cyumweru gishize, habaye imyigaragambyo irimo urugomo yo kwamagana MONUSCO mu ntara za Kivu ya ruguru, iy’Epfo na Beni.

Benshi bashinja MONUSCO ko yananiwe kurinda abaturage ibitero by’inyeshyamba.

Iyi myigaragambyo imaze kugwamo abantu barenga 20.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

M23 irashinjwa kwangiza urugomero rw’amashanyarazi rwa parike ya...

Umutwe wa M23 urashinjwa ko mu mirwano yo kuwa kabiri warashe nkana ibisasu...
18 August 2022 0

Kenya: Abakomiseri b’akanama k’amatora barashinjwa kugerageza kubangamira...

Umukuru w’akanama k’amatora ka Kenya yashinje bane mu bakozi bakuru...
18 August 2022 0

DR Congo: Denis Mukwege afata kwinjiza ingabo z’abarundi mu gihugu...

Uwahawe igikombe cy’amahoro mu mwaka 218, Dr. Denis Mukwege yanenze bikomeye...
17 August 2022 1

Uburusiya bwatwerereye umuriro iturika riheruka ku kibuga cya Crimea muri...

Mu cyumweru gishize , nibwo habaye igisa nk’igitero cya Ukraine ku kibuga...
17 August 2022 0

Tanzaniya: Abaporisi babyibushye bikabije Perezida yategetse ko...

Perezida wa Tanzania, Samia Suluhu, yategetse ko abapolisi bafite umubyiho...
17 August 2022 1

DR Congo: Brig Gen Tshinkobo wayoboraga akarere ka 34 yapfuye, M23 ibyita...

Umujenerali wari ukomeye muri FARDC yapfuye urupfu rutunguranye.
17 August 2022 0