skol
Fortebet

RDC: Abaturage bamaganye MONUSCO kugeza ubwo batwika imodoka yayo

Amakuru   Yanditswe na: Dusingizimana Remy 25 July 2022

Imyigaragambyo ikomeje gufata indi ntera muri Repubulika Iharanira Demokarasi ya Congo. Nyuma yo kwamagana u Rwanda, ubu abaturage badukiriye Monusco, bavuga ko ntacyo ibamariye kuva yagera muri icyo gihugu.

Uyu munsi nibwo habaye iyi myigaragambyo yateguwe n’urubyiruko rw’Ishyaka UDPS rya Perezida Tshisekedi.

Kuwa 20 Nyakanga 2022, nibwo uru rubyiruko rwari rwandikiye umuyobozi w’umujyi wa Goma, CSP Kabeya Makossa Francois bamusaba kubaha uburenganzira bwo gukoresha imihanda mu mujyi wa Goma bigaragambya.

CSP Kabeya yasubije aba bigaragambya ko bitemewe ndetse ashyiraho abashinzwe umutekano bagomba gukumira iyi myigaragambyo yamagana ingabo z’umuryango wabibumbye ziri mu butumwa bw’amahoro muri Repubulika iharanira Demokarasi ya Congo.

Igisubizo cya CSP Kabeya nticyanyuze urubyiruko rwa UDPS kuko n’ubundi bitababujije kuzindukira mu mihanda bigaragambya. Iyi myigaragambyo yaje gutambamirwa n’inzego zishinzwe umutekano, aho abigaragambya bashyize amabuye mu mihanda yo mu mujyi wa Goma banatwika amapine bamagana MONUSCO.

Amafoto yagiye hanze agaragaza imodoka ya UN iri gutwikwa mu myigaragambyo ndetse n’ibindi bikoresho byangijwe.

MONUSCO ifitiwe umujinya ukomeye n’abakongomani nyuma y’imyaka ihamaze ariko ikaba ntacyo ikora ku bwicanyi bukorerwa muri iki gihugu.

Ku rundi ruhande,Abanye-Congo benshi baramukiye mu myigaragambyo yabereye ku birindiro bya MONUSCO biherereye i Nyamilima muri Teritwari ya Rutshuru, bayisaba kuva mu Gihugu cyabo ngo kuko mu myaka irenga 20 ntacyo yabamariye.

Iyi myigaragambyo yabaye mu gitondo cyo kuri uyu wa Mbere tariki 25 Nyakanga 2022, yateguwe n’ishyirahamwe ry’impirimbanyi z’iyubahirizwa ry’uburenganzira bwa muntu rizwi nka LUCHA.

Ubuyobozi bw’iri shyirahamwe, bwagize buti “Muri iki gitondo duteraniye imbere y’ibirindi bya MONUSCO i Nyamilima muri Rutshuru kugira ngo dusabe ko ubu butumwa bw’Umuryango w’Abibumbye buhagarara kuko ntacyo bwamaze mu kutugezaho umutekano kuva mu myaka irenga 20.”

Ubutumwa bwa LUCHA bwari buherekejwe n’amafoto agaragaza abaturage benshi biraye mu mihanda bari mu myigaragambyo, hakaba n’abandi bahagaze imbere y’ibirindi bya MONUSCO bafite ibyapa bisaba izi ngabo kuva muri Repubulika Iharanira Demokarasi ya Congo.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kenya: Abakomiseri b’akanama k’amatora barashinjwa kugerageza kubangamira...

Umukuru w’akanama k’amatora ka Kenya yashinje bane mu bakozi bakuru...
18 August 2022 0

DR Congo: Denis Mukwege afata kwinjiza ingabo z’abarundi mu gihugu...

Uwahawe igikombe cy’amahoro mu mwaka 218, Dr. Denis Mukwege yanenze bikomeye...
17 August 2022 1

Uburusiya bwatwerereye umuriro iturika riheruka ku kibuga cya Crimea muri...

Mu cyumweru gishize , nibwo habaye igisa nk’igitero cya Ukraine ku kibuga...
17 August 2022 0

Tanzaniya: Abaporisi babyibushye bikabije Perezida yategetse ko...

Perezida wa Tanzania, Samia Suluhu, yategetse ko abapolisi bafite umubyiho...
17 August 2022 1

DR Congo: Brig Gen Tshinkobo wayoboraga akarere ka 34 yapfuye, M23 ibyita...

Umujenerali wari ukomeye muri FARDC yapfuye urupfu rutunguranye.
17 August 2022 0

DR Congo: Agahenge kagarutse nyuma y’isaha FARDC ihanganye n’abarwanyi ba...

Ingabo z’igisirikare cya kongo zabyutse zigaba ibitero bikomeye mu birindiro...
16 August 2022 0