Igisirikare cya Repubulika ya Demokarasi ya Congo cyashinje umutwe w’intagondwa wiyitirira Islam wa Allied Democratic Forces (ADF) gutorokesha imfungwa muri gereza yo mu mujyi wa Butembo mu ntara ya Kivu ya ruguru mu burasirazuba bw’igihugu.
Imfungwa zirenga 800 ku wa gatatu zatorotse gereza nkuru ya Kakwangura.
Nta cyo umutwe wa ADF wari watangaza ku mugaragaro.
Mu kiganiro n’abanyamakuru, kapiteni Antony Mwalushayi yavuze ko mu gikorwa cyamaze hafi iminota 15, intagondwa zigera hafi kuri (...)

Sponsored Ad

Igisirikare cya Repubulika ya Demokarasi ya Congo cyashinje umutwe w’intagondwa wiyitirira Islam wa Allied Democratic Forces (ADF) gutorokesha imfungwa muri gereza yo mu mujyi wa Butembo mu ntara ya Kivu ya ruguru mu burasirazuba bw’igihugu.

Imfungwa zirenga 800 ku wa gatatu zatorotse gereza nkuru ya Kakwangura.

Nta cyo umutwe wa ADF wari watangaza ku mugaragaro.

Mu kiganiro n’abanyamakuru, kapiteni Antony Mwalushayi yavuze ko mu gikorwa cyamaze hafi iminota 15, intagondwa zigera hafi kuri 80 zitwaje intwaro ziremereye zateye iyo gereza zigamije gutorokesha imfungwa.

Yavuze ko muri izo mfungwa hari harimo n’abarwanyi 12 b’abagore bo muri ADF.

Abapolisi babiri bari barinze iyo gereza barishwe, ndetse n’abarwanyi batatu b’umutwe wa ADF bafatwa n’abasivile babatwika ari bazima.

Ibyo byatumye umubare wose w’abapfuye watangajwe n’abategetsi ugera ku bantu batari munsi ya batanu.

Umukuru w’iyi gereza, Brunelle N’kasa, yabwiye ibiro ntaramakuru Reuters ko imfungwa 58 – mu mfungwa 874 zose hamwe zari zihafungiye – ari zo zasigaye muri iyo gereza.

Umutwe wa ADF, mbere washingiwe muri Uganda mu myaka ya 1990, umaze imyaka irenga makumyabiri ukorera mu burasirazuba bwa DR Congo.

Uvuga ko ukorana n’umutwe wiyita Leta ya Kisilamu (IS), ndetse wagiye ushinjwa kwica abasivile mu burasirazuba bwa DR Congo.

BBC