skol

RDC:Impanuka ya Gari ya Moshi yaguyemo abarenga 61

Amakuru   Yanditswe na: Dusingizimana Remy 13 March 2022

Abo muri Kompanyi ya Gari ya moshi ya Leta ndetse n’abaturage bavuga ko hari impanuka ya gari ya moshi yabereye mu majyepfo ashyira Uburasirazuba bwa Repubulika Iharanira Demokarasi ya Kongo ihitana abagera kuri 60.

Ku wa gatandatu, umuyobozi ushinzwe ibikorwa remezo muri SNCC yita ku mikorere ya Gari ya Moshi, Marc Manyonga Ndambo, yagize ati "Kugeza ubu,imibare yemeza ko abantu 61 bapfuye barimo abagabo,abagore n’abana.Abandi 52 bakomeretse bajyanwe ku bitaro.

Ibitangazamakuru byaho byasubiyemo amagambo ya guverineri w’intara, Fifi Masuka,wavuze ko abantu 60 bapfuye.

Manyonga yavuze ko yari gari ya moshi itwara imizigo yari itwaye “amagana menshi” mu buryo butemewe.

Yongeyeho ati: "Imirambo imwe n’imwe yari ikiri mu byumba bya Gari ya moshi byaguye mu kibaya."

Manyonga yavuze ko gari ya moshi yari igizwe n’amagare [ibice] 15 aho 12 muri yo yari arimo ubusa. Yaturukaga i Luen mu ntara ituranye n’umujyi wa Tenke, hafi ya Kolwezi, umurwa mukuru w’intara ya Lualaba mu majyepfo ya DRC.

Manyonga yongeyeho ati: "Ikipe yacu iri gukora cyane kugira ngo itunganye inzira kugeza ku wa mbere." Ntiyavuze uko impanuka yagenze.

Undi muyobozi w’intara, Jean-Serge Lumu, yabwiye abanyamakuru ati: "Imirambo irindwi yavumbuwe n’imiryango, abandi 53 baracyari aho impanuka yabereye".

Yongeyeho ko muri benshi mu bakomeretse harimo umwana utarageza ku myaka ibiri ababyeyi be bapfiriye muri iyo mpanuka.Abakomeretse bajyanywe mu bitaro biri hafi bya Lubudi.

Icyaba cyateye iyi mpanuka ntikiramenyekana, ariko ibitangazamakuru byaho bivuga ko ibice birindwi by’iyi gari ya moshi byavuye kuri iyi gari ya moshi bigwa mu kibaya kinini hanyuma abari babirimo benshi barapfa.

Impanuka nk’izi za Gari ya Moshi n’amato zikunze kuba muri RDC kubera gupakirwa imizigo irenze ubushobozi mu biyaga n’imigezi muri iki gihugu.

Bitewe n’ikibazo cy’ibura rya Gari ya Moshi zigenewe gutwara abagenzi n’imihanda itari nyabagendwa, abantu bahitamo kugenda mu zigenewe gutwara imizigo.

Mu Ukwakira umwaka ushize, abantu icyenda bishwe n’impanuka ya Gari ya Moshi mu Mujyi wa Kenzenze muri Teritwari ya Mutashatsha mu gihe mu 2019 abantu 24 bapfuye abandi 31 bagakomerekera mu yindi mpanuka yabereye mu Ntara ya Kasai.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uburusiya bwigaruriye Umujyi wa Mariupol:Abasirikare ba nyuma ba Ukraine...

Urugamba rwo mu mujyi wo ku cyambu wa Mariupol mu majyepfo ya Ukraine...
18 May 2022 0

Umunyamategeko wa Sgt Robert Kabera afite impungenge ko ’ashobora koherezwa...

Umunyamategeko w’umusirikare w’u Rwanda wahungiye muri Uganda yandikiye...
18 May 2022 0

Turukiya:Perezida Erdogan yiyemeje guhangayikisha Finland na Sweden bishaka...

Perezida wa Turukiya yongeye kuvuga ko adashyigikiye ko Finland na Suède...
17 May 2022 0

Impamvu yateye igihugu cya Mali kwikura muri G5 Sahel yamenyekanye

Igihugu cya Mali cyatangaje ko kivuye mu ihuriro ry’ibihugu byo mu...
16 May 2022 0

Ukraine yigambye kwisubiza Kharkiv no kwica ingabo 27000 z’Abarusiya

Ikigo cyigisha ibijyanye n’intambara Institute for the Study of War,...
14 May 2022 0

AMERICA yaburiye ibitero by’ibyihebe mu burasirazuba bwa Congo

Guverinoma ya Amerika yaburiye ko hari ibitero by’abiyahuzi bishobora gutera...
13 May 2022 0