skol

RDC: Indege yaguye mu mujyi ihitana abantu barenga batatu

Amakuru   Yanditswe na: Dusingizimana Remy 24 December 2021

Mu burasirazuba bwa Repuburika ya demokarasi ya Congo habaye impanuka y’indege.

Abantu byibura batatu baguye muri iyo mpanuka mu ntara ya Kivu y’epfo,kuri uyu wa kane. Byavuzwe na Minisitiri wa Kivu y’Epfo, Mathieu Malumbi ushinzwe gutwara ibintu n’abantu, mu gihe undi mutegetsi mu karere yavuze ko umubare w’abapfuye ushobora kuba ugeze kuri batanu.

Abategetsi bavuze ko iyo ndege yahanukiye mu mudugudu wa Keisha mu bilometero bigera muri 15 uvuye ku cyicaro gikuru cy’umujyi wa Shabunda.

Mathieu Malumbi yavuze ko mu bantu batandatu bari muri iyo ndege, byibura batatu bitabye Imana. Yongeyeho serivisi z’ubutabazi bwihuta zoherejwe gushakisha ababa barokotse no kureba icyaba cyatumye iyo ndege ihanuka.

Avugana na Reuters kuri telefone ari ku kibuga cy’indege i Shabunda, aho iyo ndege yagombaga kururukira, umuyobozi wa Shabunda, Kashombana Bin Salé, yavuze ko abantu batanu bari muri iyo ndege bose bapfuye.

Salé yagize ati: “Twohereje itsinda mu mudugudu wa Keisha gusobanukirwa n’iby’iyo mpanuka yabaye. Bagarutse, batubwiye ko indege yahiye kandi ko abantu batanu bari bayirimo bapfuye”.

Impanuka z’indege zikunze kubaho mu burasirazuba bwa Kongo. Abantu byibura 27 bahitanywe n’impanuka mu mwaka wa 2019, ubwo indege nto yagwaga mu gice gituwe cyane cya Goma.

IJWI RY’AMERIKA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

US: Umusore wishe abantu 21 ku ishuri ry’incuke yabanje kurasa...

Mu gitondo cyo kuri uyu wa 25 Gicurasi 2022 nibwo hakwirakwiye inkuru...
25 May 2022 0

USA: Umusore yinjiye ku ishuri ry’incuke arasa abantu basaga...

Abana 19 hamwe n’abandi bakuze babiri biciwe mu gitero cy’umusore witwaje...
25 May 2022 0

Abatuye mu nkengero za Goma bahunze ku bwinshi imirwano ya FARDC na...

Imirwano yabaye kuwa kabiri mu bice byegereye Kibumba muri teritwari ya...
24 May 2022 0

Abakinnyi 2 ba Manchester United baheruka gukozanyaho bamenyekanye

Mu minsi ishize nibwo muri Manchester United hasohotse amakuru avuga ko...
24 May 2022 0

MONUSCO yarashe ku nyeshyamba za M23 ishinja gutera ibirindiro...

Ingabo za ONU ziri mu butumwa bw’amahoro muri DR Congo ku cyumweru no kuwa...
23 May 2022 0

Sgt Robert Kabera wari ufunzwe na Uganda yarekuwe by’agateganyo

Polisi ya Uganda yarekuye by’agateganyo Sergent Major Robert Kabera wo mu...
18 May 2022 0