Leta ya Repubulika ya Demokarasi ya Congo iratangaza ko intara za Kivu ya Ruguru na Ituri mu majyepfo y’iki gihugu ubu zigoswe n’ingabo.
Uyu mwanzuro wafashwe kubera ubwicanyi bukomeje kwiyongera muri izi ntara 2 bukorwa n’inyeshyamba zirwanya ubutegetsi bw’igihugu byo mu karere hamwe n’izirwanya icyo gihugu zayogoje ako karere.
Visi perezida wa mbere akaba na Minisitiri w’umutekano mu gihugu, Daniel Aselo Okito, yabwiye abanyamakuru ko uyu mwanzuro ufite gahunda yo kugarukana umutekano (…)

Leta ya Repubulika ya Demokarasi ya Congo iratangaza ko intara za Kivu ya Ruguru na Ituri mu majyepfo y’iki gihugu ubu zigoswe n’ingabo.

Uyu mwanzuro wafashwe kubera ubwicanyi bukomeje kwiyongera muri izi ntara 2 bukorwa n’inyeshyamba zirwanya ubutegetsi bw’igihugu byo mu karere hamwe n’izirwanya icyo gihugu zayogoje ako karere.

Visi perezida wa mbere akaba na Minisitiri w’umutekano mu gihugu, Daniel Aselo Okito, yabwiye abanyamakuru ko uyu mwanzuro ufite gahunda yo kugarukana umutekano muri ako karere.

Avuga kandi ko wafashwe n’umukuru w’igihugu, Felix Tshisekedi, mu nama yari arangije gukorana n’Inama nkuru ishinzwe umutekano mu ijoro ryo ku wa gatanu.

Hari harangiye inama ya mbere y’abaminisitiri iherutse kwemezwa n’inteko ishinga amategeko ku wa mbere ushize.

Itangazo ry’ibiro by’umukuru w’igihugu rivuga ko mu masaha ari imbere kuri uyu wa gatandatu umukuru w’igihugu aza gusohora itegeko risobanura neza uyu mwanzuro.

Muri DR Congo, imibare itangazwa n’ishami rya ONU ryita ku mpunzi kw’isi, UNHCR, yerekana ko abantu miliyoni 5.2 bataye ibyabo bagahungira hagati mu gihugu, umubare munini muri Afrika, ukaba uwa kabiri kw’isi yose.

BBC