skol

RDC: Inyeshyamba zishe abantu 8 muri Beni zishimuta benshi

Amakuru   Yanditswe na: Dusingizimana Remy 11 October 2021

Inyeshyamba zateye ibice bitandukanye mu mujyi wa Beni, uri mu majyaruguru ashyira uburasirazuba bwa Republika Iharanira demokarasi ya Kongo, bica abantu basaga umunani bashimuta abandi benshi mu mpera z’iki cyumweru kirangiye. Abategetsi b’aho byabereye ni bo babivuze.

Abarwanyi biyitirira Islam ba Allied Democratic Forces (ADF),bivugwa kuba bashimuse abahinzi benshi mu karere ka Beni mu ntara ya Kivu ya Ruguru.Ibinyamakuru byaho bivuga ko abo barwanyi bigaruriye kandi insengero.

Ibitero bya mbere byabaye mu ijoro ryo kuwa gatanu mu duce twa Mbingi na Mapasana.

Umukuru wa Sosiyete sivile, Kinos Katuo, yavuze ko muri utwo duce, abantu bane bishwe barashwe, amamoto umunani hamwe n’amazu atari make biratwikwa.

Katuo yavuze ko ikindi gitero cyo kuri iki cyumweru cy’inyeshyamba zo mu mutwe wa ADF cyagabwe hafi y’ahitwa Mangazi, kandi ko inyeshyamba imwe yishwe ubwo abasirikare barimo gusubiza inyuma ibyo bitero.

Yongeyeho ko izo nyeshyamba zakomereje mu bice bya Matekelambi na Mabuo, aho zishe abantu bane, n’abatari bake baburirwa irengero.

Nta makuru ava mu gisirikare arabyemeza, ariko umukuru w’umujyi wa Oicha uhegereye, Nicolas Kikuku, yavuze ko nta gushidikanya abo barwanyi bari muri ako karere. (AFP)

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ethiopia: Minisitiri Abiy ku rugamba yemeje ko umwanzi bamumereye...

Minisitiri w’Intebe wa Ethiopia, Abiy Ahmed, yagaragaye ayoboye ingabo ku...
26 November 2021 0

Ethiopia: Minisitiri Abiy yayoboye urugamba ku nshuro ya mbere

Minisitiri w’intebe wa Etiyopiya, Abiy Ahmed yagiye kuyobora urugamba,...
25 November 2021 0

M23 yashinjwe kubura imirwano mu Karere ka Bunagana yatumye abaturage...

Muri Republika ya Demokarasiya Kongo hubuye imirwano ikaze hagati y’ingabo...
24 November 2021 0

Ethiopia: Ibindi bihugu bikomeye ku isi byasabye abaturage babyo gutaha...

Ubudage n’Ubufaransa byiyongereye ku bihugu bimaze kugira inama abaturage...
24 November 2021 0

Ethiopia: Minisitiri Abiy Ahmed yiyemeje kuyobora intambara ari ’ku...

Minisitiri w’intebe wa Ethiopia Abiy Ahmed avuga ko ubu noneho agiye...
23 November 2021 0

US: Imodoka yirukaga cyane yinjiye mu bantu bari mu mutambagiro ihitana...

Abantu batanu bishwe naho abarenga 40 barakomereka nyuma yuko imodoka...
22 November 2021 0