Abarwanyi ba M23 bafashe ibirindiro bya gisirikare bya Rumangabo muri Kivu y’Amajyaruguru byayifashije cyane na mbere ikiri CNDP yayoborwaga na Gen Laurent Nkunda.
Ibi birindiro bikomeye cyane mu mayeri ya gisirikare, biherereye mu burasirazuba bwa pariki ya Virunga hafi y’umuhanda uhuza Rutshuru na Goma.
Reuters ivuga ko ku wa gatatu, abarwanyi bo mu mutwe w’inyeshyamba M23 bakubise inshuro FARDC mu burasirazuba bwa Repubulika Iharanira Demokarasi ya Kongo kandi iyo mirwano yaruhijeho (...)

Sponsored Ad

Abarwanyi ba M23 bafashe ibirindiro bya gisirikare bya Rumangabo muri Kivu y’Amajyaruguru byayifashije cyane na mbere ikiri CNDP yayoborwaga na Gen Laurent Nkunda.

Ibi birindiro bikomeye cyane mu mayeri ya gisirikare, biherereye mu burasirazuba bwa pariki ya Virunga hafi y’umuhanda uhuza Rutshuru na Goma.

Reuters ivuga ko ku wa gatatu, abarwanyi bo mu mutwe w’inyeshyamba M23 bakubise inshuro FARDC mu burasirazuba bwa Repubulika Iharanira Demokarasi ya Kongo kandi iyo mirwano yaruhijeho gukomera urugamba rugeze muri iki kigo kinini cya gisirikare muri ako karere cya Rumangabo.

Amakuru avuga ko nyuma y’iminsi myinshi hari imirwano hagati y’inyeshyamba n’ingabo za Congo hafi y’umupaka n’u Rwanda, abarwanyi ba M23 bagabye igitero ku birindiro byo mu mujyi wa Rumangabo kuri uyu wa Kane bahita babifata.

Abashinzwe umutekano babiri basabye ko amazina yabo atangazwa, bavuze ko ku mugoroba wo kuwa Gatatu aribwo M23 yagose iki kigo.

Umuyobozi wa pariki y’igihugu ya Virunga, Emmanuel de Merode, ufite icyicaro i Rumangabo, yavuze ko habaye imirwano ikaze ariko ko nta bindi bisobanuro afite.

Amateka y’ibi birindiro arakomeye cyane kuri M23 kuko byabaye icyicaro cy’uyu mutwe mu bitero bya 2012 na 2013. Kuri uyu wa Kane nibwo M23 yongeye gufata ibi birindiro.

Umwe mu barwanyi ba M23 yavuze ko bafashe intwaro nyinshi mbere yo kuva aho hantu.

Ifatwa ry’iki kigo cya Rumangabo n’intsinzi ikomeye y’izi nyeshyamba kuva zirukanwa zigahungira mu Rwanda na Uganda bikozwe n’ingabo za Kongo n’umuryango w’abibumbye mu mpera za 2013.

Kuwa 24 Gicurasi 2022 nibwo abadepite bavuze ko "bitewe n’ubukana bw’imirwano, turasaba guverinoma ya RDC ko mu buryo bwihutirwa isaba akanama ka Loni gashinzwe umutekano, akanama k’amahoro n’umutekano mu muryango wa Afurika Uunze Ubumwe (AU) n’izindi nzego z’akarere gushaka igisubizo no kwemeza ko M23 ari umutwe w’iterabwoba nka ADF".

Bakomeje bavuga ko bashyigikiye ingabo za FARDC kandi basaba buri muturage wese wa RDC kuzishyigikira kugira ngo zitsinde umwanzi w’igihugu.

Kuva muri Werurwe uyu mwaka, umutwe wa M23 watangije imirwano n’igisirikare cya leta gusa iza guhosha gato ariko yongeye kuburwa mu mpera z’icyumweru gishize.