Abasirikare barenga 20 ba Repubulika ya demokarasi ya Kongo biciwe mu gitero cyakozwe n’umutwe w’inyeshyamba za M23 ku birindiro by’abasirikare mu majyepfo y’igihugu. Ibi byavuzwe kuri uyu wa gatatu n’ababibonye.
Iki gitero cyatangiye mu ijoro ryo kuwa mbere i Nyesisi, mu ntara ya Kivu ya ruguru, hafi y’ishyamba rya Virunga. Iyi mirwano yarakomeje kugeza kuri uyu wa gatatu nkuko bivugwa na sosiyete sivile hamwe n’ubutegetsi bw’ibanze muri ako karere.
Igisirikare cya RDC, ntikiremeza iyo mibare (...)

Sponsored Ad

Abasirikare barenga 20 ba Repubulika ya demokarasi ya Kongo biciwe mu gitero cyakozwe n’umutwe w’inyeshyamba za M23 ku birindiro by’abasirikare mu majyepfo y’igihugu. Ibi byavuzwe kuri uyu wa gatatu n’ababibonye.

Iki gitero cyatangiye mu ijoro ryo kuwa mbere i Nyesisi, mu ntara ya Kivu ya ruguru, hafi y’ishyamba rya Virunga. Iyi mirwano yarakomeje kugeza kuri uyu wa gatatu nkuko bivugwa na sosiyete sivile hamwe n’ubutegetsi bw’ibanze muri ako karere.

Igisirikare cya RDC, ntikiremeza iyo mibare y’abapfuye, ndetse n’abakozi b’amashyirahamwe y’abagiraneza, kubwo kutabasha kugera ahabera imirwano.

Gentil Karabukala, umukuru wa sosiyete sivile i Kisigari hafi ya Nyesisi, yavuze ko abasirikare 29 bapfiriye muri icyo gitero. Naho Lieutenant-Colonel Muhindo Lwanzo, umutegetsi muri Teritware ya Rutshuru, yavuze ko umwe mu basirikare bishwe yari afite ipeti rya colonel. Lwanzo yavuze kandi ko n’inyeshyamba zatakaje abazo batari bake ariko nta mubare yatanze.

M23 ni umwe mu mitwe yitwaje intwaro irenga 120 ikambitse mu majyepfo ya Repubulika ya demokarasi ya Kongo, mu ntambara imaze imyaka irenga 20.

IJWI RY’AMERIKA