Igisirikare cya Repubulika ya demokarasi ya Kongo gifaanyije n’igisirikare cy’u Burundi batangaje ko bishe abarwanyi 40 b’inyeshyamba z’abarundi za FNL muri Teritware ya Mwenga intara ya Kivu y’epfo .
Ibyo bisirikare byemeza ko byatangiye kugaba ibitero bitandukanye ku barwanyi ba FNL ya Jenerali Aloys Nzabampema kuva tariki ya 25/11/2022.
Mu itangazo ryasohowe kuri iki cy’umweru n’umuvugizi w’ingabo za Kongo muri aka karere, Liyetena Marc Elongo, yagaragaje ko igisirikare cya Kongo, (…)

Igisirikare cya Repubulika ya demokarasi ya Kongo gifaanyije n’igisirikare cy’u Burundi batangaje ko bishe abarwanyi 40 b’inyeshyamba z’abarundi za FNL muri Teritware ya Mwenga intara ya Kivu y’epfo .

Ibyo bisirikare byemeza ko byatangiye kugaba ibitero bitandukanye ku barwanyi ba FNL ya Jenerali Aloys Nzabampema kuva tariki ya 25/11/2022.

Mu itangazo ryasohowe kuri iki cy’umweru n’umuvugizi w’ingabo za Kongo muri aka karere, Liyetena Marc Elongo, yagaragaje ko igisirikare cya Kongo, FARDC, n’i cy’u Burundi bishe abarwanyi 40 ba FNL ndetse babirukana mu birindiro byabo biri ahitwa Naombi ho muri teritware ya Mwenga segiteri y’Itombwe, bari bamazemo imyaka irenga 12.

Liyetena Marc Elongo akomeza kuvuga ko muri iyo ntambara, igisirikare cya Kongo cyakomerekesheje abasirikare babiri gusa mu ntambara yatangiye ku wa gatanu irangira ku wa gatandatu.

Ijwi ry’Amerika dukesha iyi nkuru rivuga ko ryavugishije umuyobozi wa FNL Aloys Nzabampema kuri telefone ye ntibyabakundira ariko mu kwezi gushize mu kiganiro bari bagiranye,yagaragaje ko ingabo z’Abarundi n’iza FARDC byicara bimugabaho ibitero.

Bamwe mu bayobozi ba segiteri y’Itombwe bavuga ko aho Intambara iri kubera nta baturage bariyo kuko abaturage bari batuye Namalamala, Naombi bahungiye mu Magunda na Maheta.