M23 yaramukiye mu mirwano n’imitwe y’inyeshyamba za Nyatura Leta ya Congo Kinshasa yise ’Wazalendo’.

Ni imirwano iri kubera mu duce twa Muhanga, Kavumu na sisa, muri Teritwari ya Rutshuru.

Uwatangije iyi mirwano n’ibyaba byayangirikiyemo ntabwo biramenyekana.

M23 kuva ihagaritse imirwano n’Ingabo za Congo Kinshasa imaze iminsi irwana n’inyeshyamba za Wazalendo zimaze igihe zigaba ibitero ku birindiro by’uyu mutwe.

Ni ibitero bivugwa ko mu gihe cya vuba bishobora gukurikirwa n’imirwano ya FARDC na M23, bijyanye no kuba izi ngabo n’imitwe irimo FDLR bakorana bamaze igihe bisuganya bitegura kuyitera.