Umuntu ufite ubwenegihugu bwa Kenya yatawe muri yombi ashinjwa uruhare mu gitero cy’igisasu cyaturikiye mu rusengero ejo ku Cyumweru I Kasindi mu ntara ya Kivu ya Ruguru mu burasirazuba bwa Repubulika ya Demokarasi ya Congo.
Umuvugizi wa gisirikare mu ntara ya Kivu ya Ruguru, Kapiteni Anthony Mualushayi avuga ko uyo munya Kenya yafatiwe mu mujyi wa Kasindi,uri kumupaka na Uganda, amasaha make nyuma y’icyo gitero.
Kapiteni Mualushayi ati: “Nyuma y’iperereza ryakozwe ahabereye icyo (…)

Umuntu ufite ubwenegihugu bwa Kenya yatawe muri yombi ashinjwa uruhare mu gitero cy’igisasu cyaturikiye mu rusengero ejo ku Cyumweru I Kasindi mu ntara ya Kivu ya Ruguru mu burasirazuba bwa Repubulika ya Demokarasi ya Congo.

Umuvugizi wa gisirikare mu ntara ya Kivu ya Ruguru, Kapiteni Anthony Mualushayi avuga ko uyo munya Kenya yafatiwe mu mujyi wa Kasindi,uri kumupaka na Uganda, amasaha make nyuma y’icyo gitero.

Kapiteni Mualushayi ati: “Nyuma y’iperereza ryakozwe ahabereye icyo gitero, inzego zishinzwe umutekano zashoboye gufata umunya-Kenya ufite uruhare muri iryo bara”.

Mu gihe avuga ko imibare y’agateganyo yerekana ko abantu cumi ari bo bahasize ubuzima, hari ayandi amakuru avuga ko abantu nibura 17 ari bo bamaze kumenyekana ko bapfuye, abandi barenga 30 barakomereka.

Mu itangazo yashyize hanze nyuma y’icyo gitero, Kapiteni Mualushayi yavuze ko mbere y’iminsi mikuru isoza umwaka bari baburiye abaturage ko bakwirinda amateraniro y’abantu benshi kubera ko bari bafite amakuru ko hari ibitero by’iterabwoba byarimo gutegurwa.

Kapiteni Mualushayi ati: “Ibintu birumvikana, mu by’ukuri ni igitero cy’iterabwoba cyakozwe n’umutwe w’iterabwoba wa ADF mu kwihorera kubera uherutse gutakaza bikomeye mu ntambara n’ingabo za Congo.

“Twafashe ingamba zo gucunga umutekano kugira ngo tuzibire ariko uyu munsi ADF yateye igisasu mu rusengero, tukaba twahatakarije abantu bacu”.

“Ingabo zacu zirahamagarira abaturage ko bamenya ko duhanganye n’umutwe w’iterabwoba, turasaba ituze no kumenya ko nubwo yaba ari umuntu umwe ukora iterabwoba kaba ari akaga”.

Perezida Felix Tshisekedi yamaganye iki gitero yemeza ko agomba gukora ibishoboka byose kugira ngo ababikoze babibazwe imbere y’ubutabera.

Umutwe wa ADF ukomeje guhungabanya umutekano w’abaturage mu burasirazuba bwa Congo.

BBC