skol

RED Tabara yigambye ko yateye ibisasu ku kibuga cy’indege cya Melchior Ndadaye

Amakuru   Yanditswe na: Dusingizimana Remy 19 September 2021

Umutwe Red Tabara urwanya ubutegetsi bw’u Burundi,wigambye gutera ibisasu ku kibuga cy’indege cya Melchior Ndadaye kiri i Bujumbura mu ma 23:00 zo kuri uyu wa 6 tariki ya 18 Nzeri 2021.

Uyu mutwe wavuze ko intego yo gutera iki kibuga cy’indege ngo yari iyo kubuza Perezida Ndayishimiye guhaguruka mu rukerera ajya i New York kwitabira inama rusange ya ONU.

Mu butumwa RED Tabara yashyize kuri Twitter,yagize iti "Ahagana mu ma saa 11h00 z’ijoro ku ya 18/9/2021, twarashe ibisasu byinshi ku kibuga cy’indege mpuzamahanga cya #Bujumbura, #Burundi.

Twarasanye kandi byibura isaha imwe nabasirikare bashinzwe kurinda ikibuga cy’indege."

Umuvugizi w’igisirikare cy’u Burundi Col Floribert Biyereke yanze kugira byinshi avuga kuri ibi bivugwa by’igitero mu nkegero z’ikibuga mpuzamahanga cy’indege cya Bujumbura, abwira BBC ati: "Jyewe nta bo mbona, bari hehe?"

Ikibuga cy’indege mpuzamahanga cya Bujumbura ni cyo gikoreshwa mu ngendo mpuzamahanga zijya cyangwa ziva mu Burundi

Inyeshyamba za RED Tabara, bivugwa ko zifite ibirindiro mu burasirazuba bwa DR Congo, zishinjwa na leta y’u Burundi guhabwa ubufasha n’u Rwanda, ibyo RED Tabara n’u Rwanda bihakana. Zivuga ko ziharanira ko mu Burundi habaho ubutegetsi bwubahiriza amategeko.

Zavutse zikurikira igerageza ryo guhirika ubutegetsi bw’uwari Perezida Pierre Nkurunziza ryaburijwemo mu 2015. Hari nyuma yuko afashe icyemezo cyo kwiyamamaza kuri manda ya gatatu itavugwaho rumwe, bigateza imyigaragambyo yiciwemo abantu.

Mu gihe gishize izi nyeshyamba zakoze ibindi bitero ku butaka bw’u Burundi.

Kuwa 21 Ukwakira 2019,Umutwe w’inyeshyamba za RED Tabara watangaje ko ari wo wagabye ibitero mu ntara ya Bubanza mu Burundi ukarwana n’ingabo za leta ndetse ukicamo bamwe.

Izi nyeshyamba zavuye mu ntara ya Kivu y’Epfo muri DR Congo zateye mu ntara ya Bubanza mu burengerazuba barwana n’ingabo z’igihugu abaturage bamwe barahunga.

Izi nyeshyamba zatangaje ko zitangije ibikorwa byo kurwanira ko hajyaho leta igendera ku mategeko, mu gihe leta ivuga ko "yatatanyije abagizi ba nabi".


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RDC:MONUSCO irashaka kugenzura ibitero by’ingabo za Uganda n’iza DR Congo...

Ingabo za ONU ziri mu butumwa bwiswe MONUSCO mu burasirazuba bwa DR Congo...
2 December 2021 0

Ethiopia:Ingabo za Leta zambuye Inyeshyamba umujyi w’umurage w’isi wa...

Ingabo za leta ya Ethiopia zisubije umujyi ndangamateka wa Lalibela wari...
2 December 2021 0

RDC yemeje ko ingabo za Uganda ziri ku butaka bwayo guhangana na...

Igisirikare cya DR Congo cyemeje ko kiri gufashwa n’icya Uganda mu bitero ku...
1 December 2021 0

Uganda: Uwacuruje insenene mu ndege ya Uganda Airlines n’uwamufotoye batawe...

Umugabo ushinjwa gucuruza insenene mu ndege ya Uganda Airlines hamwe...
30 November 2021 0

Ingabo za Uganda zigiye kwerekeza muri RDC guhangana na ADF

Ingabo za Uganda UPDF zahawe uburenganzira bwo kujya muri Congo na Perezida...
29 November 2021 0

Ethiopia – Tigray: Mekelle yarashweho na drone za Leta

Igisirikare cya Ethiopia kirwanira mu kirere cyagabye ibitero cy’utudege...
27 November 2021 0