Igisasu cya bombe cyatewe ku musigiti n’izindi nyubako za gisivili mu murwa mukuru wa Sudani, Khartoum, cyahitanye abantu 10

Ni mu gitero bivugwa ko cyagabwe n’umutwe w’abasirikare ba RSF kuri uyu wa 3 ukwakira 2023 nkuko byatangajwe n’imiryango iharanira uburenganzira bwa muntu muri Sudani.

Ni ku nshuro ya mbere habaye igitero gihitanye abasivili benshi mu murwa mukuru kuva mu mezi 6 ashize y’intambara hagati y’Igisirikare cya Sudani kiyobowe na Gen. Abdel Fattah Al-Burhan n’ingabo za Rapid Support Forces (RSF) ziyoborwa na Gen. Mohamed Hamdan Daglo.

Istinda ryashyizweho ngo riharanire ukwirengera kw’Abaturage ryavuze ko abasivili 10 bishwe abandi 11 barakomereka mu bisasu byatewe n’abarwanyi ba Rapid Support Forces mu nkengero z’agace ka Al-Samrab, hakurya y’Uruzi rwa Blue Nile, mu majyaruguru ya Khartoum rwagati.

Iryo tsinda ni rimwe mu matsinda menshi yakunze gutegura imyigaragambyo yo guharanira demokarasi none ubu ritanga ubufasha mu ntambara nk’uko iyi nkuru ya Arabnews ivuga.

Ku itariki ya 12 Nzeri, bamwe mu bakozi b’urwego rw’ubuzima batangarije AFP ko abandi basivili 17 nabo bishwe n’ibisasu by’izi ngabo zihanganye n’igisirikare cya Sudani