Guhera mu gitondo cyo kuri uyu wa Gatatu, itariki 5 Nyakanga, imirwano ikaze hagati ya M23 na Wazalendo iravugwa ahantu hatandukanye muri Rutshuru na Masisi muri Kivu y’Amajyaruguru .

Nk’uko bigaragara kuri twitter zikoreshwa n’abanyamakuru bo muri Repubulika ya Demokarasi ya Congo, ngo ku muhanda Kilolirwe-Kausa, guhera saa kumi n’imwe z’igitondo inyeshyamba za M23 zihanganye n’iza Nyatura mu gace ka Muyange ugana Rusinga, mu kilometero kimwe uvuye Kausa.

Naho ku muhanda wa Gandjo ugana Muheto, imirwano yatangiye guhera saa moya irimo kubera ahitwa Nyamitaba.

Muri Teritwari ya Rutshuru, muri Gurupoma ya Tongo, ho biravugwa ko abasivili 10 bahasize ubuzima, nyuma y’ibitero bya M23 ahitwa Bungushu, mu mudugudu ubarizwa hagati ya Rushenge na Rushovu.