Perezida wa Sudani y’Epfo, Salva Kiir yemeje ko Sudani y’Epfo igiye kohereza muri Repubulika Iharanira Demokarasi ya Congo abasirikare 750 mu butumwa bw’Umuryango wa Afurika y’Iburasirazuba bwo guhashya imitwe yitwaje intwaro iri mu burasirazuba bw’iki Gihugu.
Ibi byemejwe na Radio Miraya isanzwe ari iy’ubutumwa bw’Umuryango w’Abibumbye muri iki Gihugu (Sudani y’Epfo).
Perezida Salva Kiir yavuze ko iyi batayo izoherezwa mu burasirazuba bwa Repubulika Iharanira Demokarasi ya Congo, (…)

Perezida wa Sudani y’Epfo, Salva Kiir yemeje ko Sudani y’Epfo igiye kohereza muri Repubulika Iharanira Demokarasi ya Congo abasirikare 750 mu butumwa bw’Umuryango wa Afurika y’Iburasirazuba bwo guhashya imitwe yitwaje intwaro iri mu burasirazuba bw’iki Gihugu.

Ibi byemejwe na Radio Miraya isanzwe ari iy’ubutumwa bw’Umuryango w’Abibumbye muri iki Gihugu (Sudani y’Epfo).

Perezida Salva Kiir yavuze ko iyi batayo izoherezwa mu burasirazuba bwa Repubulika Iharanira Demokarasi ya Congo, bwazahajwe n’imitwe yitwaje intwaro.

Yagize ati “Sudani y’Epfo yemeye gutanga batayo y’abasirikare 750 mu ngabo z’Umuryango wa Afurika y’Iburasirazuba. Aba basirikare bazoherezwa muri Repubulika Iharanira Demokarasi ya Congo gutanga umusanzu wo kugarura amahoro mu barasirazuba bwaho.”

Izi ziyongereye ku za Kenya,Uganda n’u Burundi zamaze kugera muri iki gihugu ariko ntabwo biremezwa niba zizarwana.

Hagati aho intambara zongeye kuvugwa mu burasirazuba bwa Congo hagati y’ingabo z’icyo gihugu n’umutwe M23.

Intambara zivugwa kuva kuri uyu wa gatatu mu karere ka Kishishe muri Masisi aho amakuru agoye guhinyuza mu buryo bwigenga avuga ko hari n’abatrage basanzwe benshi bahiciwe.

Leta ya Congo iremeza ko izo ntambara zirimo kuba, nkuko uwungirije umuvugizi w’umukuru w’igihugu Tina Salama yabitangaje.

Yashinje M23 kuba itarubahirije guhagarika intambara nk’uko yabyemeje mu cyumweru gishize.