skol

Tanzaniya: Polisi yishe abantu 5 bikekwa ko ari impunzi z’Abarundi

Amakuru   Yanditswe na: Dusingizimana Remy 6 October 2021

Abantu 5 bikekwa ko ari impunzi zo mu nkambi ya Nduta baraye bishwe n’abapolisi muri Komine Kibondo muri Tanzaniya bashinjwa ubugizi bwa nabi nyuma yaho basanganywe imbunda bateze imodoka ku muhanda.


Ibyo byemejwe n’umukuru wa polisi mu ntara ya Kigoma ACP. James Manyama mu nama yagiranye n’abanyamakuru yabereye ku biro bya polisi ya Komine Kibondo kuri uyu wa gatatu.

Bwana Manyama yavuze ko barashwe ku mugoroba w’ejo kuwa kabiri ahitwa Rusohoko ibirometero hafi 15 uvuye mu nkambi ya Nduta.

Avuga ko abo yise bagizi ba nabi barimo baritegura kugaba igitero cy’ubwambuzi ku modoka zanyuraga muri uwo muhanda, bagize ibyago imodoka ya mbere bateze iza ari iya polisi.

Amazina yabo bose uko ari batanu ntaramenyekana . Gusa ngo bigaragara ko bari hagati y’imyaka 25 na 40. Yavuze yuko basanganywe imbunda 2, ibipanga hamwe n’amagrenade 3.

Bwana Manyama yavuze ko polisi ikomeje iperereza kugira ngo imenye neza ko ari impunzi zo mu nkambi cyangwa ari abavuye mu Burundi bafatanya n’Abatanzaniya gukora ubugizi bwa nabi.

Nta mwaka urenga hatabaye ibitero bikorwa n’abagizi ba nabi bakoresha intwaro muri komine za Kasulu, Kibondo na Kakonko ari zo zicumbikiye impunzi z’Abarundi za Nduta, Nyarugusu na Mtendeli.

Hafi 12 baricwa buri mwaka. Akenshi usanga harimo Abarundi baturutse mu Burundi, impunzi n’Abatanzaniya bafatanya muri ibyo bikorwa.

Zimwe mu mpunzi zituye mu nkambi ya Nduta mu kiganiro zahaye ijwi ry’Amerika zemeza yuko abagizi ba nabi bahari kandi nabo ku bwabo babateye ubwoba bigateza umutekano muke mu nkambi.

Kimwe gusa izo mpunzi zisaba leta ya Tanzaniya ni ugukora iperereza rikwiye bakabona gufata abantu bakekwaho ubugizi bwa nabi mu nkambi kuko hari benshi baburirwa irengero bahorwa ubusa.

IJWI RY’AMERIKA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uganda: Maj. Gen Kandiho “wavuzweho guhohotera Abanyarwanda” yakuwe ku mirimo...

Perezida wa Uganda Yoweli Kaguta Museveni yakuye ku mwanya w’Umuyobozi wa...
25 January 2022 0

Perezida wa Malawi yirukanye abagize guverinoma bose

Perezida Lazarus Chakwera wa Malawi yirukanye abagize guverinoma bose...
25 January 2022 0

Umupolisikazi yishe umugabo we amusanze mu kazi arangije nawe...

Abashinzwe iperereza mu Ntara ya Trans Nzoia muri Kenya barimo gukora...
25 January 2022 0

Abasirikare ba USA bambariye uruganda bajya gutabara Ukraine

Abasirikare 8,500 b’Amerika bambariye urugamba, baryamiye amajanja biteguye...
25 January 2022 0

Burkina Faso: Perezida Kabore yahiritswe ku butegetsi ahita afungwa...

Perezida wa Burkina Faso, Roch Kabore biravugwa ko yafungiwe mu kigo cya...
24 January 2022 0

Uburakari muri Nigeria nyuma y’iyicwa ry’umwana w’umukobwa w’imyaka...

Itahurwa ry’umurambo watangiye kwangirika w’umunyeshuri w’umukobwa w’imyaka...
22 January 2022 0