Inama y’abakuru b’ibihugu by’akarere yafatiye imyanzuro umutwe wa M23, irimo ko ugomba kuva mu duce wari umaze kwigarurira bitarenze kuri uyu wa Gatanu tariki 25 Ugushyingo 2022 saa 18:00.
Abasirikare b’ibihugu bya EAC, bagomba kurasa kuri M23 mu gihe yaramuka yanze guhagarika imirwano no kuva mu duce yafashe mu masaha 48 yahawe.
Canisius Munyarugerero uvugira M23 yabwiye BBC ko batigeze bamenyeshwa iyo myanzuro ndetse batari bahagarariwe muri iyi nama y’abakuru b’ibihugu ariko ko bari (…)

Inama y’abakuru b’ibihugu by’akarere yafatiye imyanzuro umutwe wa M23, irimo ko ugomba kuva mu duce wari umaze kwigarurira bitarenze kuri uyu wa Gatanu tariki 25 Ugushyingo 2022 saa 18:00.

Abasirikare b’ibihugu bya EAC, bagomba kurasa kuri M23 mu gihe yaramuka yanze guhagarika imirwano no kuva mu duce yafashe mu masaha 48 yahawe.

Canisius Munyarugerero uvugira M23 yabwiye BBC ko batigeze bamenyeshwa iyo myanzuro ndetse batari bahagarariwe muri iyi nama y’abakuru b’ibihugu ariko ko bari iwabo nta handi bajya.

Yagize ati: “Iyo bavuga gusubira inyuma tugasubira mu birindiro twahozemo,ibirindiro twahozemo ni hehe ya Kongo?aho turi ni hehe ya Kongo?Ese twebwe turi ibiki,tubaye dute?.

Twebwe nka M23 ntabwo turi Abanyarwanda,ntabwo turi Abarundi,ntabwo turi impunzi.Ntabwo turi abanyakenya cyangwa Abanya Angola.Ibyemezo bafata rero,ntabwo bagakwiye kubidufatira.Iyo nama ntabwo twayitumiwemo.Nibyo byemezo badufatiye siko byari bikwiye gufatwa.Turasubira inyuma tujya hehe, iwabo se?.

Bari kuvuga bati ibyo bihugu byemeje ko biri butugabagabane,bamwe bagahinduka Abarundi,abandi Abanyarwanda cyangwa Abanya Angola.Ariko bitabaye ibyo turava iwacu tujye he?”

Uyu yakomeje avuga ko badatera ahubwo baterwa n’interahamwe zasize zikoze jenoside mu Rwanda.

I Luanda abategetsi b’akarere banzuye ko nibadasubira inyuma bizashyirwa mu bikorwa ku ngufu n’ingabo z’akarere.

Abajijwe niba biteguye guhangana n’ingabo za EAC zishobora kubatera nibatava mu duce bafashe,Bwana Canisius yagize ati "Miliyoni y’Abatutsi yarapfuye mu Rwanda amahanga arebera.Natwe baratumishaho amasasu dushire,biramaze reka dushire.Icyo ucyemere ko tudasubira inyuma”