skol

U Rwanda rwanenze UN yiyemeje gushyigikira RDC yateye ibisasu mu Rwanda

Amakuru   Yanditswe na: Dusingizimana Remy 14 June 2022

Umuvugizi wa Guverinoma y’u Rwanda, Yolande Makolo,yatangaje ko UN itari ikwiriye gufata uruhande rwo gushyigikira RDC ikomeje gukora ibikorwa by’ubushotoranyi ku Rwanda itera ibisasu ku butaka bwarwo.

Ubwo yasubizaga ku byatangajwe n’Umuvugizi w’Umunyamabanga Mukuru wa UN, yamwibukije ko ingabo z’uyu muryango zicunga umutekano mu Burasirazuba bwa DRCongo (MONUSCO) zamaze kugaragaza uruhande zibogamiyeho kuko ziri gufasha FARDC mu bikorwa by’ubushotoranyi ku Rwanda.

Yagize ati “Ubusugire bw’Ibihugu byose, burangana yaba ubw’u Rwanda n’ubwa DRC. Iyo DRC irashe ibisasu mu Rwanda ntibyitwa kuvogera, iki ni ikibazo gikomeye kandi kizana ingaruka kandi bikwiye guhagarara burundu.

Mu gufata uruhande muri iki kibazo, MONUSCO yatanze ubufasha bweruye kuri Guverinoma ya DRC mu bikorwa byo kurasa ku butaka bw’u Rwanda mu rwego rwo kwihunza ibibazo by’imbere mu Gihugu cyabo.

Ingabo za UN, MONUSCO ntabwo zari zikwiye kugira uruhare mu bikorwa by’ubushotoranyi cyangwa ngo zihagarare zirebere ibiri kuba, bitabaye ibyo byaba ari ubufatanyacyaha. Iki ni ikibazo cyakunze kugaragazwa n’u Rwanda inshuro nyinshi.”

Umubano w’u Rwanda na Repubulika Iharanira Demokarasi ya Congo, umaze iminsi urimo agatotsi nyuma y’aho iki gihugu gitangiye gushinja u Rwanda gufasha umutwe wa M23 usumbirije Uburasirazuba bwa DRC.

Leta y’u Rwanda yahakanye kenshi gufasha M23, uyu mutwe nawo wahakanye ko ufashwa n’ingabo z’u Rwanda mu mirwano.

Umuvugizi wa leta y’u Rwanda Alain Mukuralinda yavuze kenshi ko "ikibazo cya M23 ari ikibazo kireba DR Congo ubwayo".

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble kasongo

    Mme Makolo abo niko babaye. Bahora ari abanyanyege nke ikibazo nuko batabizi. Ikindi nta kintu bajya bakiza uretse kwangiza. Ibihugu byinshi byarangiritse kubera bo ndetse abaturage babyo barangara kubera bo. Twe twabiteye imboni kuva cyera. " self reliance" kujyitegemeya nibyo bizakiza u Rwanda. Harakabaho ubuyobozi bwiki gihugu.

    2 weeks ago

Inzindi nkuru

MONUSCO yashinje M23 kurasa ibisasu mu kigo cyayo

ONU ivuga ko inyeshyamba zarashe ibisasu bitatu bya rokete mu kigo cyayo mu...
1 July 2022 0

Perezida Biden yijeje RDC kuyifasha mu bijyanye n’Umutekano wayo wadogejwe...

Perezida wa US,Joe Biden abinyujije mu butumwa bwo kwifuriza Repubulika...
1 July 2022 0

"M23 ifite intwaro ziruta iz’ingabo za Kongo na MONUSCO"-Uhagarariye RDC...

Uhagarariye Igihugu cya Repubulika ya Demokarasi ya Kongo [RDC] mu muryango...
30 June 2022 1

Ingabo za l’ ONU (MINUSMA) muri Mali Zongewe undi Mwaka

Akanama ka ONU gashinzwe amahoro n’umutekano kemeye kongera undi umwaka wose...
30 June 2022 0

M23 yanyomoje FARDC yigambye ibyo itagezeho inemeza ko yafashe n’ikibuga...

Umutwe wa M23 watangaje ko wirukanye FARDC mu duce twa Nkokwe, Rwankuba,...
30 June 2022 0

MONUSCO yashinje M23 kugira intwaro zihambaye no kubangamira...

Intumwa yihariye muri Repubulika ya Demokarasi ya Congo y’umunyamabanga...
30 June 2022 0