Minisitiri w’Ububanyi n’Amahanga w’Ububligi, unashinzwe imirimo y’Ubumwe bw’Uburayi n’ubucuruzi mpuzamahanga, Hadja Lahhib, yatangaje ko basabye u Rwanda gutanga umusanzu mu gutuma umutwe wa M23 uhagarika imirwano.
Kuwa 31 Ukwakira 2022,Minisitiri Hadja Lahhib yahamagaye kuri telefoni mugenzi we w’u Rwanda, Dr Vincent Biruta, baganira ku kibazo cy’umutekano mucye mu Burasirazuba bwa Congo.
Yavuze ko mu butumwa bwe yavuze ko “Dr Biruta Vincent, baganiriye ku kibazo kiri mu Burasirazuba (…)

Minisitiri w’Ububanyi n’Amahanga w’Ububligi, unashinzwe imirimo y’Ubumwe bw’Uburayi n’ubucuruzi mpuzamahanga, Hadja Lahhib, yatangaje ko basabye u Rwanda gutanga umusanzu mu gutuma umutwe wa M23 uhagarika imirwano.

Kuwa 31 Ukwakira 2022,Minisitiri Hadja Lahhib yahamagaye kuri telefoni mugenzi we w’u Rwanda, Dr Vincent Biruta, baganira ku kibazo cy’umutekano mucye mu Burasirazuba bwa Congo.

Yavuze ko mu butumwa bwe yavuze ko “Dr Biruta Vincent, baganiriye ku kibazo kiri mu Burasirazuba bwa Congo, u Bubiligi bwasabye umutwe wa M23 kurekera kurwana ako kanya ndetse ukanarekura muri tumwe mu duce yafashe kandi hakabaho inzira y’ibiganiro nk’uko byemejwe i Luanda na Nairobi.”

Minisitiri Hadja Lahhib, yasabye “u Rwanda gutanga umusanzu n’uburyo bwose bushoboka rukumvisha M23 ko ikwiye guhagarika imirwano no kurekura uduce yigaruriye.”

Uyu mutegetsi yavuze ko abasivile bari kugirwaho n’ingaruka n’iyo mirwano kandi ko hari umubare mwinshi w’abamaze kuvanwa mu byabo.

Ububiligi busaba ko abaturage bagizweho n’ingaruka bahabwa uburenganzira ndetse ko amahame mpuzamahanga arengera uburenganzira bwa muntu yubahirizwa, ingabo z’Umuryango w’Abibumbye MONUSCO zikarinda abasivile.

Imirwano hagati ya M23 na FARDC imaze iminsi yubuye muri Rutshuru,ariko FARDC ku cyumweru yavuze ko irimo kurwana na “Rwanda Defence Forces” iri inyuma ya M23.

Itangazo rya leta y’u Rwanda ryasohotse mu cyumweru gishize rishinja FARDC kurwana zifatanyije n’inyeshyamba za FDLR, zirwanya ubutegetsi bw’u Rwanda. Abategetsi ba DR Congo bo bakomeje guhakana ko ingabo za FARDC zikorana na FDLR.

U Rwanda rurashinja kandi ko “ibitero bishya bya FARDC kuri M23…binyuranyije n’ibyumvikanyweho ku mutekano w’akarere, harimo iby’i Nairobi na Luanda.”

Leta y’u Rwanda ivuga ko “ibirego bihoraho bidafite ishingiro” birega u Rwanda gufasha umutwe wa M23 “bitakwihanganirwa”.