skol

Uburakari muri Nigeria nyuma y’iyicwa ry’umwana w’umukobwa w’imyaka 5

Amakuru   Yanditswe na: Dusingizimana Remy 22 January 2022

Itahurwa ry’umurambo watangiye kwangirika w’umunyeshuri w’umukobwa w’imyaka itanu Hanifa Abubakar ryateje akumiro n’uburakari muri Nigeria, aho intero yo kuri internet ya #JusticeForHanifa (ubutabera kuri Hanifa) irimo gukoreshwa cyane.

Nyir’ishuri yigagaho, witwa Abdulmalik Mohammed Tanko, yatawe muri yombi ndetse n’iryo shuri ryafunzwe.

Bivugwa ko mu kwezi kwa cumi na kabiri yashimuse Hanifa muri leta ya Kano yo mu majyaruguru y’igihugu, agamije kwaka indishyi y’amadolari 14,600 y’Amerika (miliyoni 14 mu mafaranga y’u Rwanda).

Polisi ivuga ko nyuma yishe Hanifa, amaze kubona ko uyu mwana yamumenye (yamutahuye).

Nkuko abategetsi babivuga, Bwana Tanko, w’imyaka 34, yajyanye abapolisi ku ishuri rye aho yari yashyinguye mu mva ngufi umurambo w’uwo munyeshuri w’umukobwa.

Umurambo we nyuma warataburuwe ngo usuzumwe n’abaganga no kugira ngo ushyingurwe neza n’umuryango we.

Bwana Tanko ntarashyirirwaho ibirego.

Bivugwa ko Hanifa yashimuswe mu ntangiriro y’ukwezi kwa cumi na kabiri, hanze y’iryo shuri rya kisilamu na we yigagaho.

Polisi ivuga ko abandi bantu babiri bacyekwa na bo batawe muri yombi.

Avugana imbamutima, Abubakar Abdussalam, se w’uwo mwana, yabwiye BBC ko umuryango we wahungabanye. Yavuze ko nyina wa Hanifa ubu ari mu bitaro nyuma yuko ataye ubwenge akitura hasi.

Yasabye abategetsi guha ubutabera umuryango we.

Ukuriye uburezi muri leta ya Kano Sanusi Sai’du Kiru yavuze ko iryo shimutwa ari ugutatira icyizere.

Nigeria yugarijwe n’inkubiri y’ibikorwa by’ubushimusi by’abasaba indishyi kugira ngo babone kurekura abo bashimuse, ahanini bikorwa n’imitwe yitwaje intwaro akenshi igaba ibitero ku mashuri igashimuta abanyeshuri mu kivunge, ariko gushimutwa kw’abanyeshuri gukozwe n’abarezi babo ni imbonekarimwe.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uburusiya bwigaruriye Umujyi wa Mariupol:Abasirikare ba nyuma ba Ukraine...

Urugamba rwo mu mujyi wo ku cyambu wa Mariupol mu majyepfo ya Ukraine...
18 May 2022 0

Umunyamategeko wa Sgt Robert Kabera afite impungenge ko ’ashobora koherezwa...

Umunyamategeko w’umusirikare w’u Rwanda wahungiye muri Uganda yandikiye...
18 May 2022 0

Turukiya:Perezida Erdogan yiyemeje guhangayikisha Finland na Sweden bishaka...

Perezida wa Turukiya yongeye kuvuga ko adashyigikiye ko Finland na Suède...
17 May 2022 0

Impamvu yateye igihugu cya Mali kwikura muri G5 Sahel yamenyekanye

Igihugu cya Mali cyatangaje ko kivuye mu ihuriro ry’ibihugu byo mu...
16 May 2022 0

Ukraine yigambye kwisubiza Kharkiv no kwica ingabo 27000 z’Abarusiya

Ikigo cyigisha ibijyanye n’intambara Institute for the Study of War,...
14 May 2022 0

AMERICA yaburiye ibitero by’ibyihebe mu burasirazuba bwa Congo

Guverinoma ya Amerika yaburiye ko hari ibitero by’abiyahuzi bishobora gutera...
13 May 2022 0