Abarinzi 46 bari bashinzwe kurinda umwami Omusinga Mumbere mu karere ka Kasese biciwe mu gitero bagabweho n’ ingabo z’ igihugu UPDF, abandi 136 bafatwa bugwate.
Aya makuru yemejwe n’ umuvugizi wa Polisi mu burengerazuba bwa Rwenzori Mansur Suwed. Ibi bibaye nyuma y’ imirwano yashamiranyije ingabo za Uganda n’ inyeshyamba ikagwamo abagera kuri 55.
Ingoro w’ umwami Mumbere yagabweho igitero nyuma yaho biketswe ko uyu mwami yaba ari inyuma y’ izi nyeshyamba zirwanya ubutegetsi.
Polisi (…)

Abarinzi 46 bari bashinzwe kurinda umwami Omusinga Mumbere mu karere ka Kasese biciwe mu gitero bagabweho n’ ingabo z’ igihugu UPDF, abandi 136 bafatwa bugwate.

Aya makuru yemejwe n’ umuvugizi wa Polisi mu burengerazuba bwa Rwenzori Mansur Suwed. Ibi bibaye nyuma y’ imirwano yashamiranyije ingabo za Uganda n’ inyeshyamba ikagwamo abagera kuri 55.

Ingoro w’ umwami Mumbere yagabweho igitero nyuma yaho biketswe ko uyu mwami yaba ari inyuma y’ izi nyeshyamba zirwanya ubutegetsi.

Polisi ivuga ko mu ngoro y’ uyu mwami yakuyeyo ibikoresho bitandukanye byifashishwa mu gucunga umutekano. Ibyo bikoresho birimo imbunda yo mu bwoko bwa Pistoli na magazine ebyiri, bombe 16, ibyuma 42, ibikoresho bitatu byifashishwa mu gutahura ibyuma (Metal detectors), ibyombo bya gisirikale n’ imihoro 47.

Brig Peter Elwelu ukuriye ingabo muri aka gace yavuze ko iki gitero cyagabwe nyuma y’ amasaha abiri uyu mwami asabwe kurekura abamurinda bose agasigaragana icyenda gusa akabyanga.

Uyu muyobozi w’ ingabo avuga ko abo biyitaga abarinzi b’ umwami aribo bihisha inyuma y’ ibitero by’ iterabwoba bagahungabanya umutekano mu karere. Elwelu yakomeje avuga ko iki gikorwa kirakomeza kugeza ubu bwami buhanaguritse.

Umwami Mumbere we n’ abarinzi be 136 bafungiye kuri sitayo ya polisi ya Kasese. Bakomeje guhatwa ibibazo. Biteganyijwe ko Mumbere yurizwa indege akajyanwa I Kampala aho aza kugirana umubonano wihariye na Perezida Museveni