skol

Uganda yataye muri yombi Umurundi yafatanye imbunda 2 agiye I Kampala

Amakuru   Yanditswe na: Dusingizimana Remy 18 November 2021

Inzego zishinzwe umutekano mu karere ka Kisoro muri Uganda zataye muri yombi umugabo uvuga ko ari Umurundi. Yari afite imbunda ebyiri mu isakoshi yerekera i Kampala ku murwa mukuru wa Uganda.

Uwo watawe muri yombi yasanganywe indangamuntu ya Uganda yanditsemo izina Mbabazi Turinayesu. Yafatiwe mu kigo cy’imodoka zitwara abagenzi amaze gutega bisi yahagurukaga Kisoro yerekeza i Kampala.

Umuvugizi w’igisirikare cya Uganda, Brigadier Flavia Byekwaso, yatangarije ijwi ry’Amerika ko igisirikare cyatangiye iperereza rigamije kumenya niba ibikorwa uwo mugabo yari arimo byaba bifitanye isano n’ibikorwa by’iterabwoba byahitanye abantu i Kampala ku wa kabiri w’iki cyumweru.

Ako karere ka Kisoro mu burengerazuba bwa Uganda gahana urubibi n’ibihugu bibiri by’ibituranyi: U Rwanda na Republika ya Demokarasi ya Congo-Igihugu gihora kirangwamo umutekano muke.

Hagati aho, abashinzwe umutekano mu mujyi wa Kampala baracyaryamiye amajanja nyuma y’ibitero bibiri by’abiyahuzi byabereye hagati y’uwo mujyi hafi y’Inteko ishinga amategeko no hafi y’ikigo cya polisi igenzura umuji wa Kampala.

Itangazo ryasohowe na Polisi kuri aya manywa ryemeza ko abantu batatu ari bo baguye muri ibyo bitero barimo umupolisi umwe, abandi 37 babikomerekeramo. Mu bakomeretse 27 ni abapolisi abandi 10 ni abasivili.

Iri tangazo rivuga ko polisi ishinzwe kurwanya iterabwoba ikoresheje imbwa zitegura ibisasu yiriwe isaka ibice byose biherereye aho abo biyahuzi biturikirije kureba ko nta bindi bisasu byaba bihatezwe dore ko iby’ejo bikimara guturika Polisi yasanze ibindi bibiri byari byatezwe ahantu hatandukanye ikabitegura bitaraturika.

Leta ya Kisilam IS yaraye yigambye ibitero byabaye kuwa Kabiri mu mujyi wa Kampala. Yari iherutse no kwemeza ko yari iri inyuma y’ikindi gitero cyabaye mu kwezi gushize kibereye ku kabari kigahitana umuntu umwe. Icyo gitero cyakurikiwe n’ikindi kuri bisi itwara abagenzi nacyo cyahitanye umwe kigakomeretsa undi.

Ibi bitero byose Polisi yabyitiriye umutwe w’intangondwa wa ADF urwanya ubutegetsi bwa Uganda, ufite ibirindiro muri Kongo.

Leta zunze umwe z’Amerika iherutse gutangaza ko ADF yamaze kunga ubumwe na leta ya k’islama IS hamwe n’undi mutwe w’iterabwoba urwanira mu gihugu cya Mozambique. Iyo mitwe yombi igize umutwe wa leta ya Kislamu wo muri Africa yo hagati- IS-Central Africa.

IJWI RY’AMERIKA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Burundi: Gereza nkuru ya Gitega yafashwe n’inkongi y’umuriro imfungwa zirenga...

Imfungwa zirenga 50 zishwe n’umuriro wadutse w muri gereza nkuru ya Gitega...
7 December 2021 0

Ethiopia: Leta ivuga ko yisubije indi mijyi y’ingenzi yari ifitwe na...

Leta ya Ethiopia yatangaje ko yisubije imijyi ya Dessie na Kombolcha yari...
7 December 2021 0

Mali: Abantu 30 bishwe n’abakekwa kuba abarwanyi b’Abajihadiste

Abakekwa kuba abarwanyi b’Abajihadiste bishe abantu bagera kuri 30 bari mu...
4 December 2021 0

Igisirikare cya Uganda cyigambye kwica ibihumbi by’abarwanyi ba ADF...

Igisirikare cya Uganda, Uganda People’s Defence Forces[UPDF], kivuga ko...
4 December 2021 0

RDC: Abitwaje intwaro bateze imodoka yari igemuriye impunzi bica abantu...

Muri Repubulika ya Demokarasi ya Kongo,abitwaje intwaro bataramenyakana...
2 December 2021 0

RDC:MONUSCO irashaka kugenzura ibitero by’ingabo za Uganda n’iza DR Congo...

Ingabo za ONU ziri mu butumwa bwiswe MONUSCO mu burasirazuba bwa DR Congo...
2 December 2021 0