Amajyepfo ya Ukraine ari mu bitero biva ku mpande zombi zihanganye muri iyi ntambara, aho Uburusiya bwaraye buteye ibibombe bukoresheje za ndege zitagira abapilote (drones) i Odesa, Kyiv nayo ihita yihorera mu ibitera Melitopol.
Igisirikare cya Ukraine kivuga ko cyahanuye drones icumi ejo ku wa gatandatu, ariko ko izindi eshanu zikaba zarashoboye gutera ibirindiro by’amasoko atanga ingufu, ibyatumye abantu bagera kuri miliyoni 1.5 babura umuriro.
Nyuma y’aho, umukuru w’Umujyi wa (…)

Amajyepfo ya Ukraine ari mu bitero biva ku mpande zombi zihanganye muri iyi ntambara, aho Uburusiya bwaraye buteye ibibombe bukoresheje za ndege zitagira abapilote (drones) i Odesa, Kyiv nayo ihita yihorera mu ibitera Melitopol.

Igisirikare cya Ukraine kivuga ko cyahanuye drones icumi ejo ku wa gatandatu, ariko ko izindi eshanu zikaba zarashoboye gutera ibirindiro by’amasoko atanga ingufu, ibyatumye abantu bagera kuri miliyoni 1.5 babura umuriro.

Nyuma y’aho, umukuru w’Umujyi wa Melitopol wo ku ruhande rwa Ukraine akaba yarahunze avuga ko hari igitero cyakozwe kuri mujyi kiri mu maboko y’Uburusiya.

Igitero cy’Uburusiya kuri uyu mujyi wa Odesa uri ku nyanja cyakozwe na drones za Irani ku nyubako ikomeye, nk’uko abategetsi ba Ukraine babivuga.

Mu ijambo rye rya buri mugoroba anyuza kuri videwo, Perezida Volodymyr Zelensky yargize ati: "Ibintu byifashe nabi cyane muri Odesa.

Ikibabaje ibyo bitero byari bikomeye, ibi bizatuma dukenera umwanya kugira ngo tugarure umuriro. Ntibisaba amasaha, ariko bizasaba iminsi mikeya”.

Kuva mu kwa cumi, Moscow yakomeje kubaga ibitero ku bice bitanga ingufu bya Ukraine ikoresheje ibisasu bya misile n’ibitero by’amadrone, ni nyuma y’aho ingabo za Vladimir Putin zitsindiwe mu bice bya Ukraine.

BBC