skol

Ukraine ipfusha abasirikare basaga 200 buri munsi mu ntambara yayo n’Uburusiya

Amakuru   Yanditswe na: Dusingizimana Remy 10 June 2022

Umwe mu bajyanama bo mu rwego rwo hejuru wa Perezida wa Ukraine yabwiye BBC ko abasirikare ba Ukraine bari hagati ya 100 na 200 bicirwa ku rugamba buri munsi.

Mykhaylo Podolyak yavuze ko Ukraine ikeneye amagana n’amagana y’intwaro zikomeye mu kongerera ubushobozi ingabo ziri kurwana n’Uburusiya mu karere ko mu majyepfo ashyira Uburasirazuba ka Donbas.

Yavuze kandi ko Ukraine ititeguye gusubira mu biganiro by’amahoro n’Uburusiya.

Ingabo za Ukraine zirimo ziraterwa amabombe ubutitsa mu gihe ingabo z’Uburusiya zirimo kugerageza kwigarurira akarere kose ka Donbas.

Podolyak agira ati:"Ingabo z’Uburusiya zikoresha ikintu cyose uretse ibitwaro by’ubumara ku rugamba, harimo n’imbunda zikomeye, ibibunda bitera za rokete hamwe n’indege."

Yasubiyemo ubusabe bwa Ukraine ku bihugu by’I Burayi ko gusaba izindi ntwaro nyinshi, avuga ko "ubusumbane bukomeye" hagati y’igisirikare cy’Uburusiya n’icya Ukraine, ari yo mpamvu habapfa benshi ku ruhande rwa Ukraine.

Yavuze ko "gusaba intwaro zikomeye si ukwigirisha... ahubwo n’intumbero dukeneye kugeraho urebye uko ibintu byifashe ku rugamba."

Yongeyeho ko Ukraine ikeneye ibibunda bitera rokete nyinshi icya rimwe biri hagati ya 150 na 300 kugira bahangane n’Uburusiya - umubare muinini batari bwigere babona kugeza ubu.

Podolyak yavuze kandi ko ibiganiro by’amahoro bishobora kongera kubaho mu gihe gusa Uburusiya busubije uturere bwigaruriye kuva buteye icyo gihugu tariki 24 z’ukwezi kwa kabiri.

Umubare w’abasirikare bari hagati 100 na 200 ba Ukraine bapfa buri munsi uri hejuru cyane y’ibyahoze bivugwa.

Ku wa kane, Minisitiri w’Ingabo wa Ukraine, Oleksii Reznikov, yavuze ko Ukraine ibura abasirikare 100 buri munsi, abandi 500 bagakomereka.

Uko gutanga imibare itandukanye byerekana uburyo bitoroshye kubona inkuru nyazo ziva ku rugamba.

Uretse uko gutakaza abantu benshi, Reznikov yemeza ko umubare munini w’abasirikare na bo bicwa.

Reznikov agira ati:"Uburusiya bukomeje guhangana n’abantu benshi n’ingufu nyinshi kandi butakaza abantu benshi."

"Ariko bukomeza kugira ingufu zo gutera intambwe ku rugamba mu turere tumwe tumwe."

Ico gihe, umukuru w’intara ya Luhansk yavuze ko abarusiya "barimo gupfa nk’isazi" ariko anasubiramo ibyavuzwe na Podolyak ko Ukraine ihanganye n’ingorane "zikomeye cyane" zo kubura intwaro zikomeye.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abasirikare b’Uburusiya bafashwe amashusho bari kwiba ibinyampeke bya...

Iperereza rya BBC ryabonye gihamya ko abasirikare b’Uburusiya bigaruriye...
27 June 2022 0

Nigeriya:Umuturage yahawe ububasha bwo kujya yirindira umutekano

Abategetsi bo muri leta ya Zamfara mu majyaruguru ashyira uburengerazuba...
27 June 2022 0

M23 yabihije ibirori by’AbanyeCongo bishimiraga ko Gen Makenga uyiyobora...

Ku munsi w’ejo hiriwe ibihuha muri Congo ko ingabo za FARDC zishe Gen...
27 June 2022 0

Gen.Chico ushinzwe abarinda Tshisekedi yarashwe na M23 yari yarahiriye...

Gen.Chico Tshitambwe wari umuyobozi w’abajepe barinda Perezida Tshisekedi...
26 June 2022 0

Umubare w’Abanyamahanga bari kurwanira Ukraine wamenyekanye

Abarwanyi b’Abanyamahanga bari gufasha Ukraine guhangana n’Uburusiya bagera...
25 June 2022 0

RDC: Mu ijwi riranguruye Abajepe basabye Perezida Tshisekedi kubaha intwaro...

Abarinda Perezida Felix Tshisekedi wa Repubulika ya Demokarasi ya Kongo...
24 June 2022 2