skol

Ukraine: Kwambika abasirikare b’abagore bakora akarasisi inkweto ndende byarakaje abaturage

Amakuru   Yanditswe na: Dusingizimana Remy 3 July 2021

Gahunda ya minisiteri y’ingabo ya Ukraine yo gutuma abasirikare b’abagore bakora akarasisi bambaye inkweto ndende aho kwambara bote za gisirikare ubwo hazaba hakorwa akarasisi k’ingabo mu kwezi gutaha, yarakaje benshi.


Irina Gerashchenko, umudepite mu nteko ishingamategeko ya Ukraine wo ku ruhande rutavuga rumwe n’ubutegetsi, yavuze ko ari ivangura rishingiye ku gitsina, atari uburinganire.

Ukraine irimo kwitegura akarasisi ka gisirikare ko ku itariki ya 24 y’ukwezi kwa munani ko kwizihiza imyaka 30 iki gihugu kimaze kibonye ubwigenge, nyuma y’isenyuka ry’Ubumwe bw’Abasoviyeti.

Minisiteri y’ingabo yavuze ko izo nkweto ziri mu biteganywa n’amategeko y’imyambarire ya gisirikare.

Benshi muri Ukraine bumijwe n’iyo gahunda, barimo n’itsinda ry’abadepite basabye Minisitiri w’ingabo Andriy Taran gusaba imbabazi.

Umunyamakuru Vitaly Portnikov yanditse kuri Facebook ati:

"Inkuru yo gukora akarasisi mu nkweto ndende iteye isoni gusa". Yavuze ko abategetsi bamwe bafite imyumvire nk’iyo mu gihe cya kera kizwi nka Moyen Âge (Middle Ages).

Madamu Gerashchenko, wa mudepite wo ku ruhande rutavuga rumwe n’ubutegetsi, yavuze ko mbere yari yacyetse ko amafoto agaragaza abasirikare b’abagore bitoza akarasisi bambaye amapantalo njya rugamba n’inkweto ndende z’umukara, ari igihuha.

Yavuze ko ari ivangura rishingiye ku gitsina, atari uburinganire. Ndetse yibaza impamvu minisiteri y’ingabo yatekereje ko inkweto ndende ari ingenzi cyane kurusha gukoreshereza abasirikare b’abagore imyambaro iberanye na bo yo kubarinda amasasu.

Maria Berlinskaya, umusirikare uri mu kiruhuko cy’izabukuru, yavuze ko akarasisi gakwiye kuba kagaragaza ingufu mu bya gisirikare, ariko avuga ko aka ko ari ako gushimisha abasirikare bakuru bicaye mu myanya y’icyubahiro.

Olena Kondratyuk, wungirije umukuru w’inteko ishingamategeko, yakomoje ku kuba abagore barenga 13,500 bararwanye mu mirwano ihuza Ukraine n’abashaka ubwigenge bashyigikiwe n’Uburusiya ibera mu burasirazuba.

Abagore barenga 31,000 ubu bari mu ngabo za Ukraine, barimo abarenga 4,000 bari mu rwego rw’abasirikare bakuru.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kenya: Umugabo wishe abana abana barenga 10 yishwe n’abaturage nyuma yo...

Umugabo wiyemereye ko yishe abana benshi hanyuma agatoroka polisi mu minsi...
15 October 2021 0

Kenya:Uwemeye ko yishe abana barenga 10 yatorotse kasho ya polisi

Umugabo wemeye ko yishe abana barenga 10 muri Kenya yatorotse kasho ya...
14 October 2021 0

Norvege: Umugabo witwaje umuheto n’imyambi yiraye mu mujyi yica abantu...

Umugabo witwaje umuheto n’imyambi yishe abantu batari bake yongera...
14 October 2021 0

Abacungagereza batawe muri yombi bazira gusambanya ku ngufu umugore wari...

Abacungagereza bo muri gereza ya Thika GK mu Ntara ya Kiambu muri Kenya...
13 October 2021 0

Burundi: Abasirikare babiri ba leta barimo Colonel biciwe mu mirwano...

Umusirikare w’ipeti rya ˮLieutenant Colonel ‟ witwa Nkurunziza Jean Marie...
12 October 2021 0

Ethiopia: Ingabo za leta zagabye igitero simusiga mu bice byose birimo...

Igisirikare cya Ethiopia cyatangiye ibitero bikomatanye mu bice byose ku...
12 October 2021 0