Umujenerali w’Uburusiya yagaragaye yuzuye amaraso kandi yakomeretse nyuma yo gufatwa n’ingabo za Ukraine zamufashe n’amashusho akajya hanze.
Amashusho atangaje yerekana Jenerali Andrei Sychevoi yambaye amapingu kandi apfukamye hamwe n’ingabo nyinshi z’Uburusiya zinaniwe.
Bivugwa ko uyu muyobozi mukuru w’ingabo yafatiwe mu gitero cyagabwe n’abarwanyi ba Ukraine mu karere ka Kharkiv.
Abasirikare bafashwe bahise bashyirwa ku muhanda ndetse batungwa imbunda - ari nabwo uwo bikekwa ko ari (…)

Umujenerali w’Uburusiya yagaragaye yuzuye amaraso kandi yakomeretse nyuma yo gufatwa n’ingabo za Ukraine zamufashe n’amashusho akajya hanze.

Amashusho atangaje yerekana Jenerali Andrei Sychevoi yambaye amapingu kandi apfukamye hamwe n’ingabo nyinshi z’Uburusiya zinaniwe.

Bivugwa ko uyu muyobozi mukuru w’ingabo yafatiwe mu gitero cyagabwe n’abarwanyi ba Ukraine mu karere ka Kharkiv.

Abasirikare bafashwe bahise bashyirwa ku muhanda ndetse batungwa imbunda - ari nabwo uwo bikekwa ko ari Sychevoi izuru rye ryari ririho amaraso.

Ibihuha byatangiye kuvugwa ko uyu musirikare watsinzwe ari imwe mu bantu ba hafi ba Perezida Putin nyuma yo kubona isura ye.

Abahanga mu kureba babonye inyenyeri ebyiri ziri ku mwambaro w’uyu musirikare ubusanzwe zambarwa n’abasirikare bakuru b’Uburusiya.

Nk’uko byatangajwe n’umunyamakuru wo muri Ukraine witwa Andrii Tsaplienko kuri Telegramu, abasirikare b’igihugu cye bashoboye gutega agatego ingabo z’Uburusiya zo mu mutwe udasanzwe witwa Samara SZSHR.

Raporo zerekana ko Jenerali Sychevoi yari ashinzwe kuyobora itsinda ry’ingabo mu burengerazuba bw’ako karere.

Abandi bavuga ko yagerageje gutoroka agerageza kumvisha abamufashe ko ari umusirikare wo ku rwego rwo hasi ariko baza kumuvumbura.

Sychevoi yashyizwe ku rutonde rw’abafatiwe ibihano n’Umuryango w’Ubumwe bw’ibihugu by’Uburayi ku ya 28 Gashyantare, hashize iminsi mike Uburusiya bugabye igitero kuri Ukraine.