Igisirikare cya Ukraine kirwanira mu kirere, kuri uyu wa kabiri cyatangaje ko cyashenye utudege tutagira abapirote( drone) 29 na misile zirasa kure Uburusiya bwakoresheje mu bitero bwakoze mu ntara zitari nke za Ukraine, mu’ijoro ryo kuwambere rishyira kuwa ku wa kabiri.

Igisirikare cya Ukraine cyatangaje ko nyinshi muri izo drone zarasiwe mu ntara ya Mykolaiv iri mu mu majyepfo ya Ukraine, no mu ntara ya Dnupropetrovsk iri hagati mu gihugu.

Serhiy Lysak, ukuriye intara ya Dnipropetrovsk, yavuze ko ibisigazwa by’izo Drone zarashwe byasenye inyubako zirimo izibikwamo ibiribwa mu ntara ya Pavlohrad.
Ibyo bitero by’Uburusiya byakurikiye ibyatangajwe n’abaminisiteri b’ububanyi n’Amahanga b’umuryango w’ubumwe bw’uburayi muri Ukraine, Kiev. Aba bari Bavuze ko umuryango w’ubumwe bw’Uburaya wemeye kuzakomeza gushyigikira Ukraine.

Icyo gihe Prezida wa Ukraine, Volodymyr Zelensky, yabwiye abo bategetsi ko intsinzi ye izava mu bufasha bazakomeza kumuha