Imibare y’abahitanywe n’umutingito ukomeye wibasiye ibihugu bya Türkiye na Syria ikomeje kwiyongera buri munsi
Kugeza ubu abamaze guhitanwa n’uyu mutingito bamazae kurenga ibihumbi 21,500. Muri bo ibihumbi 18,342 ni abo muri Türkiye mu gihe abarenga 3,350 ari abo muri Syria.
Uyu mutingito wabaye mu gitondo cyo kuwa Mbere,tariki ya 06 Gashyantare 2023 usenya bikomeye Umujyi wa Kahramanmaras muri Türkiye.
Abatabazi bo mu ishirahamwe ry’ubutabazi rya Syria, Casques blancs/White Helmets, basanzwe (...)

Sponsored Ad

Imibare y’abahitanywe n’umutingito ukomeye wibasiye ibihugu bya Türkiye na Syria ikomeje kwiyongera buri munsi

Kugeza ubu abamaze guhitanwa n’uyu mutingito bamazae kurenga ibihumbi 21,500. Muri bo ibihumbi 18,342 ni abo muri Türkiye mu gihe abarenga 3,350 ari abo muri Syria.

Uyu mutingito wabaye mu gitondo cyo kuwa Mbere,tariki ya 06 Gashyantare 2023 usenya bikomeye Umujyi wa Kahramanmaras muri Türkiye.

Abatabazi bo mu ishirahamwe ry’ubutabazi rya Syria, Casques blancs/White Helmets, basanzwe bamenyereye gutabara abantu baguweko n’ibikuta byaenyutse bitewe n’intambara yo muri Syria mu myaka isaga icumi , bakomeje gufasha agace ka Jindayris.

Kugeza ubu ibikorwa by’ubutabazi biracyakomeje harebwa niba haba hari abakiri munsi y’inkuta z’amazu. Gusa ibi bikorwa byakomwe mu nkokora n’ubukonje bukabije bwibasiye ibi bice.

Ibihugu bikomeye birimo Amerika n’abagiraneza bakomeje gutanga imfashanyo zo gufasha abagizweho ingaruka n’uyu mutingito muri ibi bihugu byombi.

Hagati aho,mu gitondo cyo kuri uyu wa Gatanu mu izina rya Guverinoma y’u Rwanda, Minisitiri w’Ububanyi n’Amahanga Dr. Vincent Biruta, yagiye kuri Ambasade ya Türkiye mu Rwanda, yandika ubutumwa bwo kwihanganisha abaturage ba Türkiye ku byago bagize bitewe n’umutingito ukomeye wibasiye iki gihugu ugahitana abarenga 18000 muri iki gihugu gusa.

Minisitiri Biruta yagize ati: "Mu izina rya Guverinoma y’u Rwanda, twifatanyije n’imiryango yagizweho ingaruka n’umutingito wateje ibyago bikomeye byo kubura ubuzima n’umubabaro ukomeye muri Türkiye. U Rwanda rwifatanyije na Guverinoma ndetse n’abaturage ba Türkiye."