skol

Umucungagereza wacikishije imfungwa ikekwaho ubwicanyi kubera urukundo yirashe

Amakuru   Yanditswe na: Dusingizimana Remy 10 May 2022

Polisi y’Amerika ivuga ko umucungagereza w’umugore wari watorokanye n’imfungwa icyekwaho ubwicanyi bavuye kuri gereza yo muri leta ya Alabama yapfuye nyuma yo kwirasa ubwo bombi bafatwaga.


Vicky White, wari ufite imyaka 56, yapfiriye mu bitaro nyuma yuko we na Casey White (badafitanye isano nubwo bahuje izina), w’imyaka 38, bafatiwe muri leta ya Indiana nyuma yo guhigwa na polisi.

Bombi bari baburiwe irengero ubwo bavaga kuri gereza yo mu karere ka Lauderdale muri leta ya Alabama, ku itariki 29 y’ukwezi gushize kwa kane.

Byemezwa ko bari bafitanye umubano w’urukundo.

Abategetsi bavuga ko bombi baherukaga kubonwa ubwo uwo mucungagereza yari atwaye iyo mfungwa mu modoka avuga ko ayijyanye gukorerwa isuzumwa rya baringa (rihimbano) ry’ubuzima bwo mu mutwe.

Uwo munsi wari wo wa nyuma w’akazi kuri Vicky mbere yuko ajya mu kiruhuko cy’izabukuru. Yari aherutse kugurisha inzu ye, abwira bagenzi be bakoranaga ko afite gahunda yo kurushaho kumara igihe ari ku mwaro w’inyanja.

Ku mugoroba wo ku wa mbere, ibiro by’ubugenzacyaha by’akarere ka Vanderburgh muri Indiana byemeje ko Vicky White yapfiriye mu bitaro byo muri ako karere nyuma yuko yirashe ubwo yafatwaga.

Amakuru arenzeho ajyanye n’urupfu rwe yitezwe gutangazwa kuri uyu wa kabiri nyuma yo gukora isuzuma ku murambo we.

Mbere, Rick Singleton, umukuru wa polisi y’akarere ka Lauderdale, yari yavuze ko imodoka y’abo bombi yagonze nyuma yo kwirukankanwa na polisi mu mujyi wa Evansville, muri Indiana, icyo gihe Casey White agahita yishyikiriza abapolisi.

Yagize ati: "Uyu munsi twakuye mu muhanda umugabo uteje akaga. Ntazongera kubona urumuri rw’umunsi [rwo hanze] ukundi".

Urwego rw’Amerika rugenzura iyubahirizwa ry’amategeko - ruzwi nka US Marshals Service - rwavuze ko mbere bombi bari babonywe batwaye imodoka y’ibara ry’ikigina yo mu bwoko bwa Ford Edge, ifite nimero iyiranga (plaque) yo muri Alabama.

Umupolisi mukuru Singleton yari yavuze ko iyo mfungwa Casey yari yatorotse, ifite uburemure bwa metero ebyiri, iteje "akaga gakomeye", aburira abapolisi "kutagira ikintu na kimwe bakinisha" hamwe na yo.

Hagati aho, Vicky we yari yararanzwe n’imikorere myiza mu kazi ke.

Umushinjacyaha mukuru w’akarere ka Lauderdale Chris Connolly yabwiye abanyamakuru ati: "Nari kugirira icyizere Vicky [no] ku buzima bwanjye. Kandi ibyo ndabivugisha ukuri.

"Iyo twabaga dushaka ikintu kivuye kuri gereza, ni we twaganagaho [twiyambazaga], umukozi mwiza. Ni yo mpamvu twumiwe cyane".

Casey White yaregwaga ubwicanyi bwo mu kwezi kwa cyenda mu 2020, mu gutera icyuma Connie Ridgeway wari ufite imyaka 58.

Yari asanzwe ari mu gifungo cy’imyaka 75 kubera uruhare mu rukurikirane rw’ibyaha byo mu 2015, birimo kwinjira mu nzu mu buryo bunyuranyije n’amategeko agakora ubujura, kwiba imodoka, no kwiruka atoroka polisi imuhagaritse.

Amakuru avuga ko yemeye ubwicanyi, ariko nyuma akavuga ko nta cyaha yakoze kubera ko atari ameze neza mu mutwe, ndetse abategetsi bongeyeho ko yari afungiye muri gereza y’akarere ka Lauderdale ategereje kuzaburanishwa.

Ahamwe n’icyaha ashobora guhanishwa igihano cy’urupfu.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umunyamategeko wa Sgt Robert Kabera afite impungenge ko ’ashobora koherezwa...

Umunyamategeko w’umusirikare w’u Rwanda wahungiye muri Uganda yandikiye...
18 May 2022 0

Turukiya:Perezida Erdogan yiyemeje guhangayikisha Finland na Sweden bishaka...

Perezida wa Turukiya yongeye kuvuga ko adashyigikiye ko Finland na Suède...
17 May 2022 0

Impamvu yateye igihugu cya Mali kwikura muri G5 Sahel yamenyekanye

Igihugu cya Mali cyatangaje ko kivuye mu ihuriro ry’ibihugu byo mu...
16 May 2022 0

Ukraine yigambye kwisubiza Kharkiv no kwica ingabo 27000 z’Abarusiya

Ikigo cyigisha ibijyanye n’intambara Institute for the Study of War,...
14 May 2022 0

AMERICA yaburiye ibitero by’ibyihebe mu burasirazuba bwa Congo

Guverinoma ya Amerika yaburiye ko hari ibitero by’abiyahuzi bishobora gutera...
13 May 2022 0

Umunyeshuri w’Umukristo yishwe na bagenzi be b’Abayisilamu ashinjwa gutuka...

Ku wa kane, tariki ya 12 Gicurasi, abapolisi bavuze ko abanyeshuri...
13 May 2022 0