Ingabo za Uganda zitegerejwe i Goma guhangana n’umutwe wa M23 uri kugenda wegera uyu mujyi ufatwa k’Umurwa mukuru wa Kivu y’Amajyaruguru.
Izi ngabo zatojwe kurwanira mu misozi. Zizahasanga iza Kenya zisaga 200 zamaze kuhagera.
Umugaba Mukuru Wungirije wa UPDF, Lt Gen Peter Elweru, ati ’M23 zisubire mu birindiro byzo by’ibanze ubundi ziyoboke iy’ibiganiro.’
Kuri uyu wa Kane tariki 17 Ugushyingo 2022, nibwo umuyobozi w’Ingabo z’Akarere ka Afurika y’Iburasirazuba, Major General Jeff Nyagah, ukomoka (...)

Sponsored Ad

Ingabo za Uganda zitegerejwe i Goma guhangana n’umutwe wa M23 uri kugenda wegera uyu mujyi ufatwa k’Umurwa mukuru wa Kivu y’Amajyaruguru.

Izi ngabo zatojwe kurwanira mu misozi. Zizahasanga iza Kenya zisaga 200 zamaze kuhagera.

Umugaba Mukuru Wungirije wa UPDF, Lt Gen Peter Elweru, ati ’M23 zisubire mu birindiro byzo by’ibanze ubundi ziyoboke iy’ibiganiro.’

Kuri uyu wa Kane tariki 17 Ugushyingo 2022, nibwo umuyobozi w’Ingabo z’Akarere ka Afurika y’Iburasirazuba, Major General Jeff Nyagah, ukomoka muri Kenya, yasuye ingabo za Cogo ziri ku rugamba zihanganyemo n’umutwe wa M23.

Yari kumwe n’umuyobozi w’agace ka 3 ka gisirikare mu ngabo za FARDC, Lieutenant General Mbangu Marcel, Umuyobozi ushizwe ibikorwa mu ngabo za Congo, Major General Chico Tshitambwe, n’umuyobozi wungirije w’ingabo z’akarere, Brigadier General Emanual Kaputa.

Minisiteri y’Ingabo ya Kenya yatangaje ko uruzinduko rwe "rwari rugamije kongerera imbaraga ingabo ziri ku rugamba, zirimo gufatanya na EACRF mu gutegura no gushyira mu bikorwa gahunda zitandukanye zigamije gutsida imitwe itwe yitwaje itwaro muri aka gace."

Yatangaje ko Major General Nyagah "yijeje abayobozi b’urugamba umutekano n’uburyo bwo kurinda Ikibuga mpuzamahanga cya Goma n’ibice bigikikije, ibikorwa remezo by’igenzi n’amarondo agamije gucunga umutekano w’abantu bavanywe mu byabo."

Gen Nyagah yavuze ko ingabo ayoboye zirimo kujya gufasha FARDC mu rugamba iriho.

Minisiteri y’Ingabo ya Kenya yatangaje ko uyu muyobozi yanagiranye inama n’abayobozi ba FARDC i Goma, baganira ku buryo bwo guhangana n’ibibazo by’umutekano byugarije Uburasirazuba bwa Congo.