skol

Umurongo w’imodoka z’Uburusiya ureshya na 65 KM werekeje muri Ukraine

Amakuru   Yanditswe na: Dusingizimana Remy 1 March 2022

Igisikare cya Ukraine cyatangaje ko abasirikare b’Uburusiya basubukuye ibitero byabo ku murwa mukuru Kyiv.

Umugaba mukuru w’ingabo zirwanira ku butaka yatangaje kuri Facebook ko "ibintu bikomeye gukomera ku nkengero za Kyiv".

Uyu avuga ko "nubwo umwanzi ari gutsindwa mu bitero, akomeje kurekura umuriro ku ngabo no ku basivili", yongeraho ko abarusiya bateganya "kwifatanya n’amatsinda y’ingabo zidasanzwe za repubulika ya Belarus".

Amafoto y’icyogajuru yatangajwe mu gitondo kuwa kabiri na kompanyi ya Maxar Technologies yerekanye umurongo wa 65km w’imodoka z’intambara z’Uburusiya zerekeza i Kyiv.

Ukraine yasabye kwinjira muri EU

Intumwa z’Uburusiya na Ukraine ibiganiro byazo muri Belarus kuwa mbere nta cyo byagezeho uretse kumvikana ko bakongera bagahura mu minsi iri imbere.

Ni mu gihe izo ntumwa zari mu biganiro, abarusiya bakomeje kurasa ibisasu ku mijyi ya Ukraine irimo Kharkiv, Kyiv, na Chernihiv nk’uko perezida wa Ukraine yabivuze.

Perezida Volodymyr Zelensky yasabye ko Uburusiya buvanwa mu mwanya uhoraho mu nama y’umutekano ya ONU.

Ukraine kandi yatanze ubusabe bwo kwinjira mu muryango w’Ubumwe bw’Uburayi(EU), kandi ibihugu umunani bigize uwo muryango byashyigikiye ubusabe bwayo.

Mastercard yafungiye Uburusiya

Ikigo cya Mastercard gikora ibijyanye no kwishyurana ku isi hakoreshejwe ikoranabuhanga kivuga ko cyahagaritse ’transactions’ nyinshi zigikoresheje zo mu Burusiya, nk’ingaruka z’ibihano byafatiwe iki gihugu kubera gutera Ukraine.

Ayo makuru yaje mu gihe Amerika, Ubumwe bw’Uburayi, Ubwongereza na Canada byafashe icyemezo cyo gufunga banki zo mu Burusiya ku buryo mpuzamahanga bwo kwishyurana hagati y’amabanki n’ibigo by’imari bwa Swift.

Hagati aho Australia yameye ko izatanga miliyoni $50 mu gisirikare yo gufasha Ukraine.

None kuwa kabiri Minisitiri w’intebe Scott Morrison w’iki gihugu yavuze ko ayo mafaranga azifashihwa mu kubagurira intwaro n’ibindi bikoresho.

Ati: "Turavuga za misile, amasasu, turavuga kubafasha kurwanira ubutaka bwabo muri Ukraine."

"Ibibi kurushaho biri imbere" - umusenateri wa Amerika

Abadepite ba Amerika bahawe amakuru y’ibanga ku buryo ibintu byifashe muri Ukraine avuye ku bategetsi bo hejuru mu gisirikare no mu butasi.

Ayo makuru bivugwa ko ashobora kuba arimo ingengabihe ishoboka y’igihe Kyiv izafatirwa hamwe n’indi mijyi ya Ukraine.

Nyuma yo guhabwa ayo makuru, ubwo yariho asohoka mu cyumba bayaherewemo senateri Lindsey Gram w’umurepubulikani yagize ati: "Mu bya gisirikare, ibibi kurushaho biri imbere."

Senateri Chris Murphy w’umudemokarate, we yanditse kuri Twitter ati: "Imirwano kuri Kiev izaba miremire kandi y’amaraso."

Murphy yavuze ko ibihugu by’iburengerazuba bitazafunga gusa ahubwo buzanafatira imitungo ya perezida w’Uburusiya n’abantu bo hafi ye, avuga ko ibi "bishobora kuba ari intambwe yisumbuyeho kurusha ibyo Putin n’abantu be bari biteze".

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Clever

    Mbona hari abantu baketse ko Uburusiya ari Somaliya!!! Ubundi Putin abantu bazi uwo ari we? Ahubwo se muyobewe ko Uburusiya ari bwo bwasenye Hitler n’ igisirikari cye kitakomamwaga imbere mu Burayi hose? Zelensky, anteye imbabazi nyinshi.

    2 months ago

Inzindi nkuru

MONUSCO yarashe ku nyeshyamba za M23 ishinja gutera ibirindiro...

Ingabo za ONU ziri mu butumwa bw’amahoro muri DR Congo ku cyumweru no kuwa...
23 May 2022 0

Sgt Robert Kabera wari ufunzwe na Uganda yarekuwe by’agateganyo

Polisi ya Uganda yarekuye by’agateganyo Sergent Major Robert Kabera wo mu...
18 May 2022 0

Uburusiya bwigaruriye Umujyi wa Mariupol:Abasirikare ba nyuma ba Ukraine...

Urugamba rwo mu mujyi wo ku cyambu wa Mariupol mu majyepfo ya Ukraine...
18 May 2022 0

Umunyamategeko wa Sgt Robert Kabera afite impungenge ko ’ashobora koherezwa...

Umunyamategeko w’umusirikare w’u Rwanda wahungiye muri Uganda yandikiye...
18 May 2022 0

Turukiya:Perezida Erdogan yiyemeje guhangayikisha Finland na Sweden bishaka...

Perezida wa Turukiya yongeye kuvuga ko adashyigikiye ko Finland na Suède...
17 May 2022 0

Impamvu yateye igihugu cya Mali kwikura muri G5 Sahel yamenyekanye

Igihugu cya Mali cyatangaje ko kivuye mu ihuriro ry’ibihugu byo mu...
16 May 2022 0