Cpt Nsanzumuhire uzwi ku mazina ya Muhire yiciwe mu gitero abarinzi bagabye ku mutwe wa FDLR.
Iki gitero cyagabwe ku barwanyi ba FDLR mu rukerera rwo kuwa 21 Gashyantare 2022. Amakuru y’urupfu rwa Cpt Muhire yagizwe ibanga bitewe nuko FDLR yagize isoni zo kuba yaraneshejwe n’abarinzi ba Pariki ya Virunga.
Rwandatribune itangaza ko uyu Muhire yari ashinzwe icungamari mu mutwe waFDLR/ CRAP ;yaba imisoro yakwaga abaturage mu bahinga muri Gurupoma ya Rugari,Kibumba n’ahandi hose FDLR isanzwe (...)

Sponsored Ad

Cpt Nsanzumuhire uzwi ku mazina ya Muhire yiciwe mu gitero abarinzi bagabye ku mutwe wa FDLR.

Iki gitero cyagabwe ku barwanyi ba FDLR mu rukerera rwo kuwa 21 Gashyantare 2022. Amakuru y’urupfu rwa Cpt Muhire yagizwe ibanga bitewe nuko FDLR yagize isoni zo kuba yaraneshejwe n’abarinzi ba Pariki ya Virunga.

Rwandatribune itangaza ko uyu Muhire yari ashinzwe icungamari mu mutwe waFDLR/ CRAP ;yaba imisoro yakwaga abaturage mu bahinga muri Gurupoma ya Rugari,Kibumba n’ahandi hose FDLR isanzwe isoresha. Muhire kandi niwe wakiraga imisoro yakwa abatunzi b’inka borororera mu bikuyu byo mu Bwiza.

Urupfu rwa Cpt Muhire ruvuze iki kuri FDLR ?

Cpt Muhire yari inkoramutima ya Col Ruvugayimikore Ruhinda usanzwe akuriye umutwe udasanze w’abarwanyi ba FDLR CRAP. Uyu Muhire niwe wari ushinzwe gukusanya amafaranga yinjira muri uriya mutwe asoreshwa abaturage urugero ni nkaho inka zororerwa ahitwa mu Bwiza zasoreraga FDLR amafaranga angana 1500$,ayo yose Muhire yayashikirizaga Col.Ruhinda. Uyu Muhire kandi yarazwi nk’umunyembaraga mu bukangurambaga no gutera igipindi,ni umuntu wiyambazwaga aho rukomeye.

Twabibutsa ko aho Muhire yiciwe hasanzwe hari ubutaka busoreshwa na FDLR bungana na hegitari ibihumbi 10,ayo mafaranga yose akaba yinjira mu mufuka w’abayobozi ba FDLR mu gihe abitwa abarwanyi bato benshi baba bicira isazi mu maso.

Cpt Muhire yapfanye n’abandi barwanyi babiri ba FDLR , abandi batabwa muri yombi barimo n’uwakomerekejwe n’amasasu yarashwe n’abarinzi ba Pariki y’igihugu ya Virunga.

Source: Rwanda Tribune