Inyeshyamba z’umutwe wa Maï-Maï zagaragaye ziruka kibono mpamaguru, zigiye ahitwa Kitshanga muri Masisi, gushinga ibirindiro byo kubuza umutwe wa M23 kwinjira muri aka gace.
Ni amashusho yashyizwe kuri Twitter n’uwitwa Lwarhiba Musimwa Maitre usanzwe ari Umunyamakuru w’Ikinyamakuru kitwa La Nouvelle Afrique, agaragaza izi nyeshyamba ziri mu modoka izindi ziri kuri moto zivugirizwa induru n’abaturage.
Muri aya mashusho, ibinyabiziga by’izi nyeshyamba, iyo bimaze gutambuka byose, abaturage bahita (...)

Sponsored Ad

Inyeshyamba z’umutwe wa Maï-Maï zagaragaye ziruka kibono mpamaguru, zigiye ahitwa Kitshanga muri Masisi, gushinga ibirindiro byo kubuza umutwe wa M23 kwinjira muri aka gace.

Ni amashusho yashyizwe kuri Twitter n’uwitwa Lwarhiba Musimwa Maitre usanzwe ari Umunyamakuru w’Ikinyamakuru kitwa La Nouvelle Afrique, agaragaza izi nyeshyamba ziri mu modoka izindi ziri kuri moto zivugirizwa induru n’abaturage.

Muri aya mashusho, ibinyabiziga by’izi nyeshyamba, iyo bimaze gutambuka byose, abaturage bahita babyirukanka inyuma, bigaragara ko batishimiye izi nyeshyamba.

Lwarhiba Musimwa Maitre, mu butumwa buherekeje aya mashusho, yavuze ko umujenerali uyoboye uyu mutwe wa Maï-Maï, Janvier Karairi, “Yohereje ingabo ze i Kitshanga muri Masisi kugira ngo bahagarike umutwe wa M23 gukomeza imbere.

Uyu mutwe wa Maï-Maï uri mu yindi isanzwe ifasha igirikare cya Congo FARDC mu ntambara gihanganyemo n’umutwe wa M23 uherutse gutangaza ko uhagaritse imirwano ariko ukagaragaza ibyo usaba.