skol

Urutare rwo ku isumo rwaturitse rugwira abantu 7 bari munsi yarwo barapfa

Amakuru   Yanditswe na: Dusingizimana Remy 9 January 2022

Abantu barindwi bapfuye ubwo urukuta rw’urutare rwacikaga rukagwa hejuru y’ubwato bwarimo ba mukerarugendo munsi y’isumo muri Brazil.

Uru rutare rwari rufatanye ariko rwatunguranye rurasaduka igice kinini kigwa ku bwato 7 bwa ba mukerarugendo bari baje kwidagadura, rutera umuhengeri mwinshi mu kiyaga cya Furnas, hafi ya Capitólio.

Amashusho yashyizwe hanze yerekanye ubwato buto bwinshi bugenda buhoro munsi y’uru rutare runini ku kiyaga cya Furnas hanyuma igice kinini cyarwo kiza gusaduka yikubita hejuru y’abantu bari muri ubwo bwato.

Ubwato bumwe iki kibuye cyisekuyeho bwasenyutse, abandi barahunga.

Abashinzwe kuzimya umuriro, harimo n’abazi kwibira mu mazi, mu ntangiriro bavuze ko barimo gushakisha abantu 20 babuze.

Ibyo byavuguruwe kugeza ku bantu batatu nyuma y’uko abandi byavugwag ko bapfuye ariko baza kuboneka bigizwemo uruhare na terefone zabo.

Bamwe mu bantu bakomerekeye muri iyo mpanuka barimo abavunitse amagufwa aho hari umwe wari umeze nabi cyane mu bitaro afite ibikomere mu mutwe no mu maso.

Abandi bagera kuri 23 bari bakomeretse bavuwe kubera ko ibikomere byabo bari byoroheje, nk’uko umuvugizi w’ishami rishinzwe kuzimya umuriro Pedro Aihara yabitangarije abanyamakuru.

Nk’uko ikinyamakuru Globo.com kibitangaza, ngo abagenzi bari mu yandi mato bari babonye uru rutare rusaduka.Bavuga rero ko bagerageje cyane kuburira andi mato arahunga hasigara bumwe.

Ku kiyaga cya Furnas ni ahantu nyaburanga hakorerwa ubukerarugendo kuko hari isumo ryiza hiyongereyeho amahoteri n’inzu z’ibiruhuko.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

US: Umusore wishe abantu 21 ku ishuri ry’incuke yabanje kurasa...

Mu gitondo cyo kuri uyu wa 25 Gicurasi 2022 nibwo hakwirakwiye inkuru...
25 May 2022 0

USA: Umusore yinjiye ku ishuri ry’incuke arasa abantu basaga...

Abana 19 hamwe n’abandi bakuze babiri biciwe mu gitero cy’umusore witwaje...
25 May 2022 0

Abatuye mu nkengero za Goma bahunze ku bwinshi imirwano ya FARDC na...

Imirwano yabaye kuwa kabiri mu bice byegereye Kibumba muri teritwari ya...
24 May 2022 0

Abakinnyi 2 ba Manchester United baheruka gukozanyaho bamenyekanye

Mu minsi ishize nibwo muri Manchester United hasohotse amakuru avuga ko...
24 May 2022 0

MONUSCO yarashe ku nyeshyamba za M23 ishinja gutera ibirindiro...

Ingabo za ONU ziri mu butumwa bw’amahoro muri DR Congo ku cyumweru no kuwa...
23 May 2022 0

Sgt Robert Kabera wari ufunzwe na Uganda yarekuwe by’agateganyo

Polisi ya Uganda yarekuye by’agateganyo Sergent Major Robert Kabera wo mu...
18 May 2022 0