skol
Fortebet

US: Ukekwaho kurasa mu kivunge cy’abantu benshi akica 6 yafashwe

Amakuru   Yanditswe na: Dusingizimana Remy 5 July 2022

Polisi y’Amerika yataye muri yombi umugabo ucyekwa, nyuma yuko abantu batandatu bishwe barashwe mu mutambagiro wo kwizihiza umunsi mukuru w’ubwigenge, hafi y’i Chicago.

Polisi ivuga ko Robert E Crimo III, w’imyaka 22, yafunzwe nyuma yo kumwirukankana igihe gito.

Abandi bantu batari munsi ya 24 bakomerekeye mu mujyi wa Highland Park, muri leta ya Illinois, nyuma yuko uwo mugabo akoresheje imbunda akarasa mu bantu ari ku gisenge cy’inzu.

Ni ko kurasa abantu mu kivunge kwa vuba aha kubayeho muri Amerika - hagiye habaho kurasa kumwe muri buri cyumweru muri uyu mwaka wa 2022.

Perezida w’Amerika Joe Biden yavuze ko "ababajwe" n’uru rugomo.

Crimo yafunzwe nyuma yo kumuhiga. Yari yatangajwe nk’"umuntu wo gukurikirana" bijyanye no kurasa ko ku wa mbere, ariko nyuma yuko atawe muri yombi polisi yavuze ko yemeza ko ari we warashe abo bantu.

Uwo mugabo witwaje imbunda yarashe mu mutambagiro ahagana saa yine n’iminota 15 z’amanywa (10h15) ku isaha yaho, hashize iminota micyeya uwo mutambagiro utangiye.

Uwo mutambagiro wari uteganyijwe kubamo amatsinda y’abagenda bacuranga hamwe n’ibindi bikorwa byo kwidagadura, nka bimwe mu birori by’uyu mujyi byo kwizihiza umunsi mukuru w’ubwigenge.

Ariko uwari ukwiye kuba umwe mu minsi y’ibyishimo byinshi muri uyu mwaka wahise uhinduka uwo gushya ubwoba, intebe zinyanyagira mu muhanda mu gihe iyo mbaga y’abantu yahungaga iva aho hantu.

Uyu ucyekwa byemezwa ko yarashe ku bantu ari ku gisenge cy’iduka riri hafi aho. Polisi ivuga ko yahasanze "gihamya y’imbunda".

Abantu bakuru batanu biciwe muri uwo mutambagiro, naho undi apfira ku bitaro biri hafi aho, nkuko umutegetsi waho yabivuze.

Anand P, wari uri aho mu gihe cy’umutambagiro, yagize ati: "Twari twagiye kwinezeza hanze nk’umuryango - nuko ako kanya habaho uku kurasa".

"Icyo gihe jyewe nashakaga kwibwira ko ari imodoka ihiye. Nuko abantu batangira kwirukanka - nuko natwe dutangira kwirukanka".

Guverineri wa leta ya Illinois, Jay Robert Pritzker, yaburiye ko kurasa mu kivunge cy’abantu birimo guhinduka "umugenzo w’Abanyamerika".

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

M23 yasubije abavuga ko yahagaritse urugamba ikayoboka ibirombe

Umutwe wa M23 yateye utwatsi abayishinja guhagarika urugamba ikigira mu...
12 August 2022 0

RDC: FARDC yashinje Intagondwa za ADF gutorokesha imfungwa zirenga...

Igisirikare cya Repubulika ya Demokarasi ya Congo cyashinje umutwe...
11 August 2022 0

Abasirikare 15 Baguye mu Gitero cy’Intangondwa muri Burkina Faso

Igisirikare cya Burkina Faso gitangaza ko abasirikare bacyo 15 bishwe mu...
10 August 2022 0

Intambara igomba kurangirana no kubohorwa kwa Crimea –Perezida wa...

Perezida wa Ukraine Volodymyr Zelensky yavuze ko intambara yatangiriye muri...
10 August 2022 0

Kenya: Depite ari guhigwa aregwa kurasa akica umuntu ku biro...

Umudepite wo muri Kenya ari guhigwa nyuma y’uko ashinjwa kurasa akica...
10 August 2022 0

Kenya: Ruto arigamba intsinzi kuri uyu munsi w’amatora ya Perezida

Amatora ya Perezida muri Kenya yabaye kuri uyu wa Kabiri tariki ya 09...
9 August 2022 0