Abana 19 hamwe n’abandi bakuze babiri biciwe mu gitero cy’umusore witwaje intwaro kw’ishuri ry’incuke riri mu majyepfo y’intara ya Texas.
Uyu musore w’imyaka 18 yateye ishuri ribanza rya Robb (Robb Elementary School) mu mu mujyi wa Uvalde mbere y’uko yicwa n’abashinzwe umutekano, nk’uko bivugwa n’abategetsi.
Abashinzwe iperereza bavuga ko yakoze ibi akoresheje masotera (pistolet) izwi nka AR-15, irekura amasasu menshi kandi ifite magazine ijyamo amasasu menshi.
Ubu bwicanyi hakoreshejwe imbunda (...)

Sponsored Ad

Abana 19 hamwe n’abandi bakuze babiri biciwe mu gitero cy’umusore witwaje intwaro kw’ishuri ry’incuke riri mu majyepfo y’intara ya Texas.

Uyu musore w’imyaka 18 yateye ishuri ribanza rya Robb (Robb Elementary School) mu mu mujyi wa Uvalde mbere y’uko yicwa n’abashinzwe umutekano, nk’uko bivugwa n’abategetsi.

Abashinzwe iperereza bavuga ko yakoze ibi akoresheje masotera (pistolet) izwi nka AR-15, irekura amasasu menshi kandi ifite magazine ijyamo amasasu menshi.

Ubu bwicanyi hakoreshejwe imbunda muri Texas bubaye hatarashyira ibyumweru 2 undi musore arashe abantu mu ry’ibyokurya i Buffalo, muri New York,yica abirabura 10 hamwe n’abakozi. Abategetsi bavuze ko ubwo bwicanyi bwari bushingiye ku rwango rushingiye ku ruhu.

Umujyi wa Uvalde wabayemo ubwicanyi kuri uyu wa kabiri utuwe n’abantu hafi 16.000. Uri ku birometero 120 uva ku mupaka wa Mexique.

Umukuru wa polisi ya Uvalde, Pete Arredondo avuga ko uyu musore yatangiye kurasa saa 11:32 ku wa kabiri mu masaha yo muri Texas ( saa saba n’iminota 32 z’ijoro ku masaha yo mu Burundi no mu Rwanda), kandi ko abashinzwe iperereza bemeza ko "iki cyaha cy’inzigo yagikoze ari umwe".