Uwahoze ari umukinnyi w’iteramakofe mu baremereye, Vitali Klitschko ubu ayoboye urugamba rwo guhangana n’Uburusiya kuko asanzwe ari umuyobozi wa Kiev.
Mu kibuga cy’iteramakofe,Vitali Klitschko yahaga amahirwe make abo babaga bahanganye.Uyu wahoze yitwa umwami wo gutsinda imikino y’iteramakofe itararangira [Knockouts], umunyabigwi wa Ukraine wabaye uwa mbere ku isi mu myaka ya za 2000 kuko yatsinze imirwano 45 muri 47 yarwanye, harimo 41 ya K.O.
Uyu munsi, Vitali Klitschko usanzwe ari Meya wa (...)

Sponsored Ad

Uwahoze ari umukinnyi w’iteramakofe mu baremereye, Vitali Klitschko ubu ayoboye urugamba rwo guhangana n’Uburusiya kuko asanzwe ari umuyobozi wa Kiev.

Mu kibuga cy’iteramakofe,Vitali Klitschko yahaga amahirwe make abo babaga bahanganye.Uyu wahoze yitwa umwami wo gutsinda imikino y’iteramakofe itararangira [Knockouts], umunyabigwi wa Ukraine wabaye uwa mbere ku isi mu myaka ya za 2000 kuko yatsinze imirwano 45 muri 47 yarwanye, harimo 41 ya K.O.

Uyu munsi, Vitali Klitschko usanzwe ari Meya wa Kiev hamwe n’abaturage bayo miliyoni 3 kuva 2014, bahanganye n’umwanzi ukomeye cyane Vladimir Putin n’ingabo z’Uburusiya.

Kuwa Kane,ibibuga by’indege, ibiro n’ibirindiro bya gisirikare niho harashweho mbere mu mijyi ikomakomeye muri Ukraine, harimo n’ikibuga cy’indege mpuzamahanga cya Boryspil i Kyiv n’ingabo z’Uburusiya.

Nyuma ibifaru n’abasirikare bahise bisuka muri Ukraine mu majyaruguru ashyira iburasirazuba, hafi ya Kharkiv, umujyi utuwe n’abantu hafi miliyoni 1.4; iburasirazuba hafi ya Luhansk, guturuka mu gihugu gituranyi cya Bielorussie m majyaruguru, hamwe no guturuka kuri Crimea mu majyepfo.

Ingabo z’Uburusiya zafashe ikibuga cy’indege cya gisirikare kiri hanze gato ya Kyiv kandi zagejeje indege mu mijyi minini iri ku byambu ya Odesa na Mariupol.

Umwanya muto mbere y’uko ibi bitero bitangira kuwa kane, Putin yagiye kuri televiziyo atangaza ko Uburusiya "budashobora gutekana, gutera imbere, no kubaho" kubera icyo yise ikibazo gihoraho cya Ukraine y’ibi bihe.

Aciye ku mbugankoranyambaga, Perezida Zelensky wa Ukraine yasabye uwo ari we wese kuza kwifatanya n’abanya Ukraine kurwanya Abarusiya.

Ubu butumwa bugira buti: "Umukuru w’igihugu cya Ukraine Volodymyr Zelensky arasaba abaturage bose bo kw’isi, abakunzi ba Ukraine, abanyotewe amahoro na demokarasi.

"Umuntu uwo ari we wese wifuza kuza gufasha Ukraine, Uburaya n’isi yose ahawe ikaze kuza kwifatanya n’abanya Ukraine kurwanya izi nkozi z’ibibi z’abarusiya".

Ubundi butumwa buvuga ko abanyamahanga bose bahawe uburenganzira kwo kwifatanya na Ukraine kurwanya umwanzi, kandi ko harimo gushingwa ikipe y’abarwanyi mpuzamahanga wiswe "International Legion for the Territorial Defence of Ukraine".

Umukuru w’igihugu cya Ukraine yari aherutse gushimangira ko igihugu cye cyatereranywe ku rugamba.

Umunyamabanga w’Ubwongereza ushinzwe Ububanyi n’amahanga, Lizz Truss,yavuze ko igitero cya gisirikare Uburusiya bwagabye kuri Ukraine "gishobora kuba intandaro y’isenyuka" rya Perezida Vladimir Putin.

Avugana n’umunyamakuru Trevor Phillips kuri Sky News,madamu Truss yagize ati: "Turimo turabona intwari zikomeye za Ukraine zihanganye n’umwanzi" kandi Ubwongereza "buzakomeza kubaha intwaro n’imfashanyo yo kubaho".