skol

Abaturage 6 barohamye mu kiyaga cya Ruhondo

Amakuru   Yanditswe na: SHEMA EMMANUEL 21 February 2022

Amakuru aturuka mu Karere ka Musanze mu ntara y’Amajyaruguru, avuga abaturage batandatu bari bavuye kurema isoko mu Karere ka Burera bihana imbibi, baje kurohoma mu Kiyaga cya Ruhondo bamwe batabarwa n’urwego rushinzwe umutekano wo mu mazi abandi bakaba bagishakishwa.


Ku mugoroba wo ku wa Gatandatu taliki ya 19 Gahyantare, mu karere ka Musanze, hari abaturage 6 barohamye mu kiyaga cya Ruhondo, ubwo bambukiraga mu bwato bukoreshwa n’ingashyi batambaye n’imyambaro yabugenewe.

Bikorimana Tharcise w’imyaka 45 umwe mu barokotse iyi mpanuka, avuga ko bari bavuye kurema isoko rya Nyanga riri mu karere ka Burera batashye mu Murenge wa Gashaki mu karere ka Musanze.

Muri ubu bwato harimo abagore 2, umugabo umwe n’abana bato 3 barimo uw’imyaka 12, uwa 11 n’ufite imyaka 4.

Kugeza ubu bane muri bo bashoboye kurohorwa ari bazima, abandi 2 ntibaraboneka.

Abaturage bo mu Murenge wa Gashaki bavuga ko iyi mpanuka ibasigiye isomo ryo gukoresha neza inzira y’amazi y’iki kiyaga cya Ruhondo.

Umunyamabanga Nshingwabikorwa w’Umurenge wa Gashaki, Munyentwari Damascene yasabye abaturage kwirinda kwishora mu mazi mu buryo butemewe n’amategeko.

Kugeza ubwo iyi nkuru yatunganywagwa, ntago turamenya andi makuru niba abari bataraboneka babonetse kuko tugishakisha amakuru mashya kuri iyi mpanuka, gusa ishami rya Polisi rishinzwe umutekano wo mu mazi kugeza kuri iki cyumweru gishize ryari ricyirimo gushakisha abagore babiri bataraboneka.

Inzego zishinzwe Umutekano wo mazi nizo zashakishaga abagore babiri Batari bakabonetse

Author : SHEMA EMMANUEL

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Dr. Nibishaka wari umuyobizi wa RGB yakatiwe gufungwa Iminsi 30...

Urukiko rw’ibanze rwa Kicukiro rwategetse ko Dr Nibishaka Emmanuel,...
8 June 2022 0

Gen Muhoozi yasobanuye impamvu yita Perezida Kagame “Nyirarume”...

Umuhungu wa Perezida Museveni, Lt Gen Muhoozi Kainerugaba wari Umugaba...
3 June 2022 0

Hamenyekanye itariki ntarengwa u Rwanda ruzakiriraho abimukira baturutse mu...

Leta y’u Rwanda yatangaje ko muri uku kwezi kwa Kamena 2022 , dutangiye uyu...
1 June 2022 0

Gakenke : Impanuka ikomeye y’imodoka yahitanye umwe shoferi aburirwa...

Mu Karere ka Gakenke habereye impanuka y’imodoka yavaga Rulindo yerekeza...
31 May 2022 0

Igihugu cy’u Rwanda gifite uburenganzira bwo gusubiza RDC yatangije...

Guverinoma y’u Rwanda yagaragaje uburyo yihanganye mu gihe cy’imyaka...
30 May 2022 0

Karongi: Wa mugore waruherutse gushinja umugabo we kumuca inyuma yimanitse...

Umugore wari utuye mu murenge wa Twumba mu karere ka Karongi witwa...
24 May 2022 0