Hategekimana Richard umaze kwandika ibitabo 51, agiye kumurika ikindi kigaruka ku bikorwa by’indashyikirwa by’ubudasa bw’Ingabo z’u Rwanda, RDF.

Ni igitabo yise ’RDF and Rwanda’s Development Agenda’, akaba avuga ko yacyanditse afite intego yo kugaragariza abatuye Isi bose ubudasa bw’Ingabo z’u Rwanda no guharanira ko bigira ku bikorwa bya RDF byo kubaka Igihugu, Afurika ndetse n’Isi.

Iki gitabo kizamurikwa kuwa Gatanu tariki 27 Gashyantare 2026 muri Kigali Convention Center, ahazaba hazirikanwa ibikorwa by’indashyikirwa by’Ingabo z’u Rwanda zuje ubudasa muri byose.

Hategekimana avuga ko iki gitabo cyandikiwe Abanyarwanda ndetse n’abatuye Isi bose, ugishaka yagisanga mu mazu yose agurisha ibitabo.

Mu bindi bitabo yanditse, harimo icyitwa ‘Ubudasa bw’u Rwanda’, ’Umukozi Ubereye u Rwanda’ ‘Urubyiruko dufitanye Igihango’, ‘Igihango n’Inkotanyi’, ’Paul Kagame’s Journey to Victory: The Legacy of Leadership’, mu Kinyarwanda bishatse kuvuga ngo ‘Urugendo rw’intsinzi ya Paul Kagame: Umurage w’Ubuyobozi’, n’ibindi.

Hategekimana Richard asanzwe ari Umuyobozi w’Urugaga rw’Abanditsi mu Rwanda ndetse akaba n’Umuyobozi w’Ishyirahamwe ry’Uruganda rw’Ibitabo mu Rwanda.

Hategekimana Richard agiye kumurika igitabo kigaruka ku bikorwa by’indashyikirwa by’ubudasa bw’Ingabo z’u Rwanda

Ni igitabo cya 52 yanditse

Uko gahunda yose iteye