skol

Icyiciro cya mbere cy’abimukira kizazanwa mu Rwanda cyamenyeshwejwe igihe ntarengwa

Amakuru   Yanditswe na: Rebecca UFITAMAHORO 10 May 2022

Abimukira bari mu Bwongereza mu buryo bunyuranyije n’amategeko, bamwe muri bo bazamenyeshwa muri iki Cyumweru ko bazazanwa mu Rwanda mu cyiciro cya mbere bijyanye n’amasezerano yashyizweho umukono n’ibihugu byombi.


Amasezerano ajyanye n’aba bimukira yasinywe muri Mata uyu mwaka, agena ko abimukira binjiye mu Bwongereza mu buryo bunyuranyije n’amategeko bazajya boherezwa mu Rwanda.

Mu gihe bageze mu gihugu, bazaba bafite amahitamo abiri. Aya mbere ni ugusubira mu bihugu bakomokamo cyangwa se kuguma mu Rwanda. Ntibazaba bemerewe gusubira mu Bwongereza.

Magingo aya, amakuru mashya avuga ko aba mbere bazamenyeshwa gahunda yo kubimurira mu Rwanda binyuze muri aya masezerano agamije iterambere ryabo. Ntabwo igihe bazuririzwa indege igana i Kigali kiramenyekana.

Nibagera mu Rwanda, u Bwongereza buzajya bwishyura ibyo bazakenera byose birimo amacumbi n’ibyo kurya ndetse rugire uruhare mu gufasha u Rwanda mu bindi bikorwa bigamije iterambere ryabo. Ibyo birimo nko kubaka amashuri n’ibindi.

U Rwanda rwamaze gukora imyiteguro y’ibanze izafasha abo bimukira kugera mu gihugu bisanga. Iyo irimo nko kubashakira aho bazacumbika, gutegura abanyamategeko bazabafasha n’ibindi.

Imibare iheruka ya Minisiteri y’Ingabo mu Bwongereza yagaragaje ko abimukira 761 ari bo binjiye mu Bwongereza mu minsi itandatu ya mbere Gicurasi, byatumye umubare w’abinjiye kuva uyu mwaka watangira ugera ku 7484.

Aba bose batwawe n’ubwato buto bambutse umuhora uzwi nka English Channel.

Iyi mibare ishobora kwiyongera bitewe n’uko ababambutsa barimo kubifashwamo n’uko inyanja imeze neza.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abunganira Bucyibaruta ntibizera ukuri kw’abatangabuhamya bafunzwe

Ku munsi wa gatanu w’urubanza rwa Bucyibaruta, ubwo harebwaga Filimi...
18 May 2022 0

Huye: Uwasambanyije Umwana yavuze ko yabitewe n’amadayimoni na Primus...

Umugabo w’imyaka 55 y’amavuko wo mu Karere ka Huye ukurikiranyweho gusambanya...
11 May 2022 0

Ubuzima bw’abaryamana bahuje ibitsina bagiye koherezwa n’u Bwongereza...

Lata y’u Bwongereza yatekereje by’umwihariko ku baryamana bahuje ibitsina ,...
11 May 2022 0

Icyiciro cya mbere cy’abimukira kizazanwa mu Rwanda cyamenyeshwejwe igihe...

Abimukira bari mu Bwongereza mu buryo bunyuranyije n’amategeko, bamwe muri...
10 May 2022 0

Abadepite Batumije Minisitiri w’Ibidukikije mu nteko

Inteko rusange y’Umutwe w’Abadepite, yafashe icyemezo cyo gutumiza Minisitiri...
5 May 2022 0

Burera: Inyubako y’ubucuruzi no guturamo yahiye ibirimo birakongoka...

Imiryango irindwi (7) y’inzu y’ubucuruzi iherereye mu isatenere ya Nyanga mu...
2 May 2022 0