Umuvugizi w’Urwego rw’Igihugu rw’Ubugenzacyaha, RIB, yagaragaje ishusho y’uko ibikorwa by’icuruzwa ry’abantu bihagaze mu Rwanda n’ibyiciro byibasirwa cyane.

Sponsored Ad

Dr. Murangira B Thierry uvugira uru rwego , yavuze ko uhereye mu myaka itanu ishize, Abagore aribo bibasiwe cyane ku kigero cya 75%, naho abagabo bibasirwa ku kigero cya 25%.”

Yabigarutseho mu kiganiro Waramutse Rwanda cyatambutse kuri Televiziyo y’Igihugu kuri uyu wa Kane taliki 25 Nyakanga 2024, aho yavuze ko abagore bibasiwe cyane mu icuruzwa ry’abantu.

Ati" Mu myaka rero itanu abacurujwe(abagizweho ingaruka), ni ukuvuga uhereye 2019 kugeza muri uyu wa 2024 umwaka w’ingengo y’imari, ni abantu 297 mu myaka itanu ariko iyo urebye umwaka wa 2019- 2020 bari 91, 2020-2021 bari 61 ,20 21-2022 bari 41 , 2022 -2023 bari 58 naho 2023-2024 ni 46."

Yakomeje avuga ko isesengura ryakozwe hakurikije imyaka, Dr Murangira yavuze ko hagati y’abafite imyaka 18 na 30 aribo benshi bangana n’ 168 naho aba 18 kumanura ni 102 mu gihe abari kuri 30 kuzamura ari 42, bisobanuye ko byagiye biganuka.

Yasobonaye ko abo bari hagati ya 18- na 30 aribo bakorerwa ubwo bucuruzi ku kigero cya 90 % kuko aribo baba bafite imbaraga.