Mu Karere ka Nyagatare kuri uyu wa Gatatu hafunguwe uruganda ruzajya rutunganya amata y’ifu aho ruzajya rukora nibura toni 50.Minisitiri w’Intebe, Dr Edouard Ngirente niwe wafunguye ku mugaragaro Uruganda rw’Amata rusanwe ari urwa Kompanyi ya Inyange Indutries.

Sponsored Ad

Uru ruganda ruzajya rushobora gutunganya ku munsi litiro zirenga ibihumbi 500 z’amata yakamwe, akavamo ibilo ibihumbi 50 by’amata y’ifu (Toni 50), aho nibura ku mwaka ruzajya rutunganya toni ibihumbi 15 z’amata y’ifu.

Minisiteri y’Ubuhinzi n’Ubworozi, itangaza ko uru ruganda rurateganya kuzagirana isoko n’ikigo gishinzwe ibiribwa muri Afurika cya AIF (Africa Improved Foods) rya toni 2 000 ku mwaka.

Ikindi n’uko 80% y’umusaruro w’uru ruganda nyarwanda rw’amata y’Ifu rwa mbere mu Rwanda, bizajya byoherezwa hanze y’u Rwanda mu Bihugu by’ibituranyi by’u Rwanda mu Karere ka Afurika y’Iburasirazuba ndetse no mu Isoko rusange rya COMESA, no mu Bihugu by’Abarabu, ahasanzwe hari isoko rinini ry’amata y’Ifu.

Ishingwa ry’uru ruganda ryari rigamije guteza igihugu imbere, by’umwihariko kongerera ubushobozi aborozi. Rwuzuye rutwaye asaga miliyoni 54 z’amadorali ya Amerika.