Minisitiri w’Intebe Dr. Justin Nsengiyumva yagiranye ibiganiro n’Umuyobozi Mukuru wa GX Foundation, Leung Chun-Ying, byagarutse ku mahirwe y’imikoranire mu guteza imbere urwego rw’ubuzima mu Rwanda.

Ibiganiro byahuje impande zombi byabereye i Kigali ku wa 15 Mutarama 2026.

Ubutumwa bwashyizwe hanze n’Ibiro bya Minisitiri w’Intebe, bugaragaza ko ibiganiro “byibanze ku mahirwe y’imikoranire mu guteza imbere urwego rw’ubuzima mu Rwanda.”

GX Foundation ni umuryango mpuzamahanga ukora ibikorwa by’ubugiraneza bigamije gutanga ubufasha mu rwego rw’ubuvuzi n’ubuzima rusange.

Uyu muryango washingiwe mu Bushinwa mu 2018 ukorana bya hafi na za guverinoma, abahanga mu by’ubuvuzi n’abaturage hagamijwe kongera imbaraga aho bikenewe.