skol
Fortebet

Nyanza:Umugabo yashimuswe n’Abarundi ubwo yahiraga ubwatsi bw’amatungo

Amakuru   Yanditswe na: ISHIMWE JANE 22 July 2022

Umugabo witwa Hagenimana Theogene wo mu Mudugudu wa Karambi, Akagari ka Mbuye mu Murenge wa Kibilizi mu Karere ka Nyanza yashimuswe n’inzego z’umutekano i Burundi zimufatiye hakurya y’umugezi w’Akanyaru ubwo yahiraga ubwatsi bw’amatungo.


Amakuru ahari avuga ko Hagenimana yafashwe mu gitondo cyo kuri uyu wa Kane taliki 21 Nyakanga 2022 ubwo yari yagiye kwahira ubwatsi bw’amatungo yabo, anyuze mu Murenge wa Mamba mu Karere ka Gisagara yambuka Akanyaru agera ku butaka bw’iBurundi ari naho abapolisi n’Umusirikare 1 bo muri iki Gihugu cy’abaturanyi bamufatiye.

Bamwe mu batuye muri aka gace ndetse babonye ibyabaye babwiye Umuseke ko abo mu muryango wa Theogene bagerageje gutakamba ngo barebe ko bamubaha ariko inzego z’umutekano zimufite zikamubima.

Mukanyandwi Adda wo mu Mudugudu wa Mukoni mu Kagari ka Mbuye yagize ati"“Batakambye bemera no gutanga ikiguzi cy’ibihumbi 150 by’uRwanda abamufite banga kuyafata.”

Mukanyandwi avuga ko bamenye ko bakimufata bamutemye bamukura n’amenyo.
Umunyamabanga Nshingwabikorwa w’Umurenge wa Kibilizi Murenzi Valens avuga ko uyu muturage yashatse kurwanya inzego z’umutekano zimushyiraho amapingu zimutwara ahantu hataramenyekana.

Ati “Hagenimana yatemye umupolisi w’u Murundi kandi bamusanze ku butaka bwabo tugiye kubikurikirana.”

Murenzi yavuze ko agace bamufatiyemo ari ako muri Komini Bugabira, Zone ya Kiyonza, Segiteri ya Kyiri ku Gasozi ka Ngaragu mu Ntara ya Kirundo.

Cyakora uyu Muyobozi yahakanye amakuru avuga ko uyu muturage yatemwe anakurwa amenyo n’inzego z’umutekano z’uBurundi.

Uyu muyobozi avuga ko ari ikibazo inzego ku mpande zombi zigomba kuganiraho, agasaba abaturage kwitwararika birinda kwambuka umupaka uko bishakiye.

Source:Umuseke

Author : ISHIMWE JANE

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Francis

    Harya ko bavuga, nk’uwo wafatiwe iw’abandi, agatema umupolisi waho, ikosa u Burundi bufite ni irihe? Uvuga se we ko umuntu wabo yakuwe amenyo, abeshya,si ugushaka guteranya abaturanyi? Uwo we se,ntacyo amategeko amuteganyiriza?

    2 weeks ago
  • chat_bubble Francis

    Harya ko bavuga, nk’uwo wafatiwe iw’abandi, agatema umupolisi waho, ikosa u Burundi bufite ni irihe? Uvuga se we ko umuntu wabo yakuwe amenyo, abeshya,si ugushaka guteranya abaturanyi? Uwo we se,ntacyo amategeko amuteganyiriza?

    2 weeks ago

Inzindi nkuru

Hasobanuwe impamvu kwiyandikisha mu kizamini cyo gukorera impushya zo...

bamwe mu bakoresha Service isaba kwiyandikisha gukora ikizamini cyo kubona...
21 July 2022 1

Gabon na Togo byemerewe kuba abanyamuryango bashya ba Commonwealth

Inama y’Abakuru b’Ibihugu na za Guverinoma zigize Commonwealth, yemeje ko...
25 June 2022 0

Dr. Nibishaka wari umuyobizi wa RGB yakatiwe gufungwa Iminsi 30...

Urukiko rw’ibanze rwa Kicukiro rwategetse ko Dr Nibishaka Emmanuel,...
8 June 2022 0

Gen Muhoozi yasobanuye impamvu yita Perezida Kagame “Nyirarume”...

Umuhungu wa Perezida Museveni, Lt Gen Muhoozi Kainerugaba wari Umugaba...
3 June 2022 0

Hamenyekanye itariki ntarengwa u Rwanda ruzakiriraho abimukira baturutse mu...

Leta y’u Rwanda yatangaje ko muri uku kwezi kwa Kamena 2022 , dutangiye uyu...
1 June 2022 0

Gakenke : Impanuka ikomeye y’imodoka yahitanye umwe shoferi aburirwa...

Mu Karere ka Gakenke habereye impanuka y’imodoka yavaga Rulindo yerekeza...
31 May 2022 0