skol

Micomyiza Jean Dieu ukekwaho kugira uruhare muri Jenoside yakorewe Abatutsi yoherejwe mu Rwanda[AMAFOTO]

Amakuru   Yanditswe na: Rebecca UFITAMAHORO 27 April 2022

Ubushinjacyaha Bukuru bw’u Rwanda kuri uyu wa 27 Mata 2022, bwakiriye Jean Paul Micomyiza uzwi nka Mico, woherejwe na Suède kugira ngo akurikiranwe n’ubutabera bw’u Rwanda ku byaha bya Jenoside akekwaho.


Saa 6:30 nibwo indege itwaye Micomyiza yasesekaye ku Kibuga Mpuzamahanga cya Kigali.

Jean Paul Micomyiza yavukiye i Cyarwa mu Karere ka Huye. Mu gihe cya Jenoside yakorewe Abatutsi, yari atuye mu Murenge wa Tumba akaba yari umunyeshuri mu mwaka wa kabiri mu yahoze ari Kaminuza Nkuru y’u Rwanda, mu ishami rya ‘Applied Sciences’.

Muri Kaminuza yari muri ‘Comité de crise’, itsinda ryari rifite inshingano zo gushakisha no kumenyekanisha abatutsi bagombaga kwicwa, akaba ari muri urwo rwego yagize uruhare muri Jenoside.

Mu 2020 nibwo Ubushinjacyaha Bukuru bwa Repubulika y’u Rwanda bwagaragarije Suède, uruhare rwa "Mico" muri Jenoside busaba ko yazanwa mu Rwanda akagezwa imbere y’Ubutabera.

Abunganizi be, Thomas Bodström na Hanna Larsson Rampe bari batambamiye icyemezo cy’urukiko bavuga ko ubutabera bw’u Rwanda buciriritse.

Uregwa yabaye mu Mujyi wa Gothenburg mu myaka igera kuri 15. Yasabye ubwenegihugu bwa Suède ariko arabyangirwa hashingiwe ku kuba ari umunyapolitiki. Yatawe muri yombi nyuma y’aho u Rwanda rusabye ko yoherezwa kubera ko akekwaho uruhare muri Jenoside yakorewe Abatutsi mu 1994.

Ubushinjacayaha bumukurikiranyeho ibyaha bya Jenoside, ubufatanyacyaha muri Jenoside n’ibyaha byibasiye inyokomuntu kuva mu 2020.

Umuvugizi w’Ubushinjacyaha, Nkusi Faustin, yatangaje ko uru rwego rushimira inzego z’ubutabera mu Bwami bwa Suède bwemeye kumwohereza, ubutwererane n’ubufatanye mu by’ubutabera n’uruhare rwabwo mu kurwanya umuco wo kudahana ku rwego mpuzamahanga.

Suède icumbikiye batatu bakatiwe igifungo cya burundu bahamijwe ibyaha bya jenoside abarimo Théodore Rukeratabaro wakatiwe mu 2018, Claver Berinkindi wakatiwe mu 2017 na Stanisilas Mbanenande wakatiwe 2013.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Tolo

    Murakoze kutugezaho ayo ma photos meza ubutaha nzabatiza caméra

    1 month ago
  • chat_bubble karabaye

    Naze aryozwe amabi yakoze hano kwisi, kandi nimana izayamubaza ayahanirwe kabiri

    1 month ago

Inzindi nkuru

Gen Muhoozi yasobanuye impamvu yita Perezida Kagame “Nyirarume”...

Umuhungu wa Perezida Museveni, Lt Gen Muhoozi Kainerugaba wari Umugaba...
3 June 2022 0

Hamenyekanye itariki ntarengwa u Rwanda ruzakiriraho abimukira baturutse mu...

Leta y’u Rwanda yatangaje ko muri uku kwezi kwa Kamena 2022 , dutangiye uyu...
1 June 2022 0

Gakenke : Impanuka ikomeye y’imodoka yahitanye umwe shoferi aburirwa...

Mu Karere ka Gakenke habereye impanuka y’imodoka yavaga Rulindo yerekeza...
31 May 2022 0

Igihugu cy’u Rwanda gifite uburenganzira bwo gusubiza RDC yatangije...

Guverinoma y’u Rwanda yagaragaje uburyo yihanganye mu gihe cy’imyaka...
30 May 2022 0

Karongi: Wa mugore waruherutse gushinja umugabo we kumuca inyuma yimanitse...

Umugore wari utuye mu murenge wa Twumba mu karere ka Karongi witwa...
24 May 2022 0

“Hari benshi yatekeye umutwe” Byinshi wamenya ku ifungwa rya Dr....

Ku munsi w’ejo ni bwo Urwego rw’Igihugu rw’Ubugenzacyaha (RIB) rwatangaje ko...
23 May 2022 1