skol

UMUHOZA Aurelie umwe mu bayobozi ba ADEPR akurikiranweho kuba mu mutwe w’iterabwoba

Amakuru   Yanditswe na: Ubwanditsi 6 March 2021

Umuhoza Aurelie w’imyaka 39 uyu munsi ni umuyobozi ushinzwe ubukungu,imari n’imishinga muri ADEPR kuva muri 2017, akaba ariwe wasigaye mubo bari kumwe muri biro nyobozi ya ADEPR kuko abandi bakuwe mu nshingano zabo na RGB kuwa 02/10/2020 kubera ibibazo by’imiyoborere mibi,imikorere n’imikoranire mibi

Icyo gihe Umuhoza Aurelie yahise ahabwa inshingano zijyanye n’imicungire y’abakozi n’umutungo kugeza igihe abazayobora ADEPR mu gihe cy’inzibacyuho bazashyirirwaho.

Kuwa 08/10/2020 ubwo RGB yashyiragaho komite y’inzibacyuho yo kuyobora ADEPR Madame UMUHOZA Aurelie yashyizwe mur’iyo komite.

Ni ubwo uyu mudamu yizewe muri ADEPR ndetse na RGB yamushyize muri komite nyobizi y’idini ye, amakuru Umuryango wamenye ni uko Umuhoza Aurelie yatangiye gukurikiranwa mu bugenzacyaha kuwa 03 kanama 2020 akurikiranweho ibyaha byo gukorana n’imitwe y’iterabwoba.

Umuhoza akurikiranweho ibyaha binyuranye muri bimwe Umuryango wabashije kumenya bikaba birimo:

1. Icyaha cyo kuba mu mitwe y’iterabwoba

2. Icyaha cyo gukoresha ibikangisho,

3. Icyaha cyo kwiha ububasha mu mirimo itari iyawe

4. Icyaha cyo gufata icyemezo gishingiye ku itonesha,ubucuti,urwango,ikimenyane cyangwa icyenewabo

5. Icyaha cyo kunyereza umutungo

6. Icyaha cyo gukoresha nabi umutungo ufitiye rubanda akamaro

7. Icyaha cyo kwiha inyungu zinyuranije n’amategeko

Amakuru Umuryango wamenye kandi ni uko Umuhoza Aurelie yitabye mu bushinjacyaha mu rwego Rwisumbuye rwa Nyarugenge kuwa mbere tariki ya 01/03/2021 abazwa kur’ibyo byaha akurikiranweho. Akaba ari gukurikiranwa ari hanze.

Amakuru twahawe n’umuvugizi w’Urwego rw’Ubushinjacyaha NKUSI Faustin mu butumwa bugufi kuko yari ari mu rukiko yemeje aya makuru atubwira ko Umuhoza Aurelie koko ari gukurikiranwa n’ubushinjacyaha bw’ u Rwanda ko adakurikiranywe wenyine kuko areganwa na bagenzi be bandi batanu(5).

Faustin Nkusi yagize ati:" RIB yafunguye dossier taliki 26/2/2020, iyohereza NPPA (Urwego rw’Ubushinjacyaha) tariki 15/10/2020, turacyakora iperereza, nirirangira tuzafata icyemezo.

Faustin Nkusi ntabwo yashatse kuvuga ku bandi bane (4) bakurikiranywe muri iyi dosiye ariko Umuryango wabashije kubona amakuru ko abo bandi bari gukurikiranwa hamwe na Umuhoza Aurelie harimo Pasteur KARURANGA Ephrem wabaye umuvugizi wa ADEPR kuva 2017 kugeza 2020 ,Pasteur KARANGWA John yabaye umuvugizi wa ADEPR wungirije nawe kuva 2017 kugeza 2020 ,Pasteur GATEMBEREZI Muzungu Paul umunyamabanga mukuru na Dr. KARAKE Musajya Vincent.

Ibibazo bya ADEPR bidashira umuzi wabyo ni uwuhe?

Ibibazo by’urudaca muri ADEPR byatangiye kumvikana muri 2012 ubwo komite yayoborwaga na Pasteur Usabyimana Samuel yakurwagaho bashinjwa kunyereza umutungo w’amafaranga yari yatanzwe n’abakristo batanze Mu kigega cya CICO no gukorana byahafi n’abantu bakoze Jenoside yakorewe abatutsi 1994 bahungiye mu mahanga no gukorana n’abantu barwanya ubutegetsi.

Usabyimana Samuel yasimbuwe na biro yari iyobowe na Bishop Sibomana Jean wari umuvugizi we wungirijwe na Bishop Tom Rwagasana.

Aba nabo hamwe n’abandi bari muri biro nyobozi harimo umunyamabanga mukuru SEBAGABO Muyehe Leonard na MUTUYEMARIYA Christine wari ushinzwe imari n’ubukungu ntabwo batinzeho kuko muri gicurasi muri 2017 baje gutabwa muri yombi bacyekwaho kunyereza asaga amafaranga y’itorero arenga Miliyari 5 nkuko byemejwe n’ubugenzuzi.

Kuva icyo gihe baracyari mu nkiko baburana kuko bose bahakana ibyo kunyereza izo Miliyari ni urubanza rumaze imyaka ine ruburanwa, urwo rubanza baregwamo rugeze mu Rukiko Rukuru Ruzasubukurwa kuwa 12 werurwe 2021 saa mbiri,aho urukiko rwanahamagaje umuyobozi wa BDO Rwanda ltd yakoze ubugenzuzi kuzitaba kugira ngo asobanure ubugenzuzi bakoze.

Iyi biro nyobozi yaje gusimburwa na biro yari iyobowe na Pasteur Karuranga Ephrem, yungirijwe na Pasteur KARANGWA John GATEMBEREZI MUZUNGU Paul yari umunyamabanga mukuru UMUHOZA Aurelie yari ashinzwe imari n’ubukungu
RGB yashyizeho komite shya iyobowe na Pasteur Ndayizeye Isaie ibaha Umwaka wo gukemura ibibazo byagiye bivugwa muri ADEPR mubihe bitandukanye.

Jean Paul NKUNDINEZA
UMURYANGO.RW}

Author : Ubwanditsi

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Pasitoro Ntirampaga

    Njye ndi Umupasiteri,Aho kubeshyera Aurelie mwabeshyera njye,kereka niba iyo mitwe Ari Amakorari,Jean Paul uzaze kuri Larousse tukugire Public relations wacu ureke gutangaza udukuru nk’utu tutazakuzanira umuvumo

    6 March
  • chat_bubble rubare

    Ariko ibi bintu birarambiranye,amacakubiri mu idini,noneho bigeze mumitwe yiterabwoba,ese ko hari abantu bazima muri ririya dini,hakabamo nabagiye bavanwa kubuyobozi kubera kugaragaza amanyanga arimo kuki badahabwa imyanya ngo bashyire idini kumurongo,ndabona byabananiye kuryoyoborera nibarihe leta

    6 March

Inzindi nkuru

IBYAKOZWE N’INTUMWA EP#22 Urugendo rwa Madamu Louise MUSHIKIWABO muri...

Tubararikiye guurikira ikiganiro IBYAKOZWE N’INTUMWA EP#22 kigaruka ku...
10 July 2021 0

Nyarugenge: "Ndasaba ko bazana amashusho yo guteza umutekano mucye ku...

Kuri uyu wa kane ku rukiko rwisumbuye rwa Nyarugenge hatangiye...
11 June 2021 0

Gicumbi: Umugore arakekwaho kwica nyina amuziza imitungo

Mu rukerera kuri uyu wa Gatatu tariki 19 Gicurasi 2021, inzego z’umutekano...
19 May 2021 0

Urayeneza Gérard nyiri Kaminuza ya Gitwe yakatiwe gufungwa burundu

Mu isomwa ry’urubanza ryamaze hafi amasaha 6, kuri uyu wa kane taliki 25...
25 March 2021 0

Birababaje! Umutoni Naomie yitabye Imana yaburaga Umwaka ngo arangize...

Umutoni Naomie witabye Imana yari umunyeshuri muri kaminuza y’u Rwanda...
16 March 2021 0

UMUHOZA Aurelie umwe mu bayobozi ba ADEPR akurikiranweho kuba mu mutwe...

Umuhoza Aurelie w’imyaka 39 uyu munsi ni umuyobozi ushinzwe ubukungu,imari...
6 March 2021 2