Ubuyobozi bwa Pan African Movement(PAM) bwatangije ibikorwa byabwo muri kaminuza yigisha ibijyanye n’ imiyoborere ‘African Leadership University’ ibarizwamo umuryango ‘kupambana’ wiyemeje gushishikariza Abanyafurika gukunda umugabane wabo.
Ibi bibaye mu gihe isi ihangayikishijwe n’ ikibazo cy’ abimukira bava muri Afurika bajya mu Burayi n’ Amerika bibwira ko ariho hari imibereho myiza binatuma abenshi bapfira mu nyanja. PAM na Kupambana bahuriza kukuba Afurika ntacyo ibuze ahubwo ko kuba (...)

Sponsored Ad

Ubuyobozi bwa Pan African Movement(PAM) bwatangije ibikorwa byabwo muri kaminuza yigisha ibijyanye n’ imiyoborere ‘African Leadership University’ ibarizwamo umuryango ‘kupambana’ wiyemeje gushishikariza Abanyafurika gukunda umugabane wabo.

Ibi bibaye mu gihe isi ihangayikishijwe n’ ikibazo cy’ abimukira bava muri Afurika bajya mu Burayi n’ Amerika bibwira ko ariho hari imibereho myiza binatuma abenshi bapfira mu nyanja. PAM na Kupambana bahuriza kukuba Afurika ntacyo ibuze ahubwo ko kuba Abanyafurika bahunga umugabane wabo biterwa no kuba bakura bigishwa ko ‘Amerika n’ Uburayi’ ari ahantu h’ igitangaza.

Musa AF Sherif, umunyeshuri ukomoka mu gihugu cya Liberia wiga muri iyi kaminuza i Kigali watangije umuryango ‘Kupambana Africa ’ avuga ko kuba Abanyafurika bahorana inyota yo kujya muri Amerika no mu Burayi biterwa na porogaramu bigishwa mu mashuri.

Musa Sherif asanga gukundisha abaturage Afurika bikwiye kwibandwaho n’ abategura porogaramu z’ amashuri muri Afurika

Yagize ati “Porogaramu zo mu mashuri yo muri Afurika zikoze mu buryo bwa gikoroni. Bakwigisha amateka y’ Amerika, amateka y’ Uburayi ugakura uzi Thomas Jefferson, ugakura uzi abayobozi bo muri Amerika no mu Burayi. Abanyeshuri bo muri Afurika bakura bumva ko muri Amerika no mu Burayi ariho bazabona ubuzima buryoshye.”

Yakomeje avuga ko Afurika ifite abanyapolitiki beza n’ abacungamutungo beza ariko batize ibyiza by’ Afurika. Ati “Hakwiye gukorwa porogaramu nshya mu mashuri, umwarimu yajya ajya gutanga urugero ku iterambere ry’ ubukungu akabwira abanyeshuri aho u Rwanda rwavuye n’ aho rugeze aho kubabwira ibyo mu Burayi no muri Amerika”

Umuyobozi wungirije wa Pan African Movement Umulisa Henriette yavuze ko Abanyafurika bakwiye kwishakamo ibisubizo kuko Afurika ntacyo ibuze.

Ati “Abanyafurika bakwiye kumva ko aribo bazishakamo ibisubizo, ntabwo ibisubizo tuzabishakira ahandi, ntabwo ibisubizo tuzabishakira muri Europe, ntabwo ibisubizo tuzabishakira Amerika tuzabishakira muri Afurika.”

Umulisa Henriette

Yunzemo ati “Turashaka ko Afurika duhindura imitekerereze tukumva ko tugomba kuba hamwe, tugomba gukorana, kugeza igihe twumvishe umunyafurika afite amahoro, ateye imbere, Afurika yihaye agaciro mu ruhando mpuzamahanga”.

Ni ryari Abanyafurika batazongera kugwa mu nyanja ya Mediterane bajya gushakira imibereho myiza i Burayi? Musa Sherif ati “very soon, mu gihe cya vuba”

Kupambana Africa ni umuryango ugizwe n’ abanyeshuri 268 baturutse mu bihugu 28 by’ Afurika. Muri Nzeli uyu mwaka hazinjiramo abandi 100 bazaturuka mu bindi bihugu 12 byo muri Afurika bibe ibihugu 40.

Kugeza ubu Abanyafurika bapfira mu nyanja ya Mediterane bagerageza kwambuka ngo bage gushakisha imibereho i Burayi UN ivuga ko ari 600 gusa bagabanyutseho 40%