skol
Kigali

AMATORA:Uturere 27 two mu Rwanda twatoye ba Meya bo kutuyobora mu myaka 5 iri imbere

Amakuru   Yanditswe na: Dusingizimana Remy 19 November 2021

Kuri uyu wa Gatanu mu Turere 27 two hirya no hino mu Rwanda hakozwe amatora y’abagize Komite Nyobozi barimo ba Meya bagarutse nka Richard Mutabazi wa Bugesera,Sebutege Ange wa Huye,Mukandayisenga Antoinette w’Akarere ka Nyabihu ,Habarurema Valens wa Ruhango,Kayitare Jacqueline wa Muhanga n’abandi.


Mu Karere ka Gicumbi, Nzabonimpa Emmanuel wari usanzwe ari umuyobozi w’ishami rishinzwe imirimo rusange mu Karere ka Gatsibo niwe watorewe kuba Meya.

Akarere ka Bugesera katoreye Mutabazi Richard kongera kuba Meya,Umwali Angelique yabaye Umuyobozi Wungirije ushinzwe Ubukungu n’Iterambere ndetse na Imanishimwe Yvette watorewe kuba Umuyobozi Wungirije ushinzwe imibereho myiza y’Abaturage.

Mu Karere ka Nyagatare hatowe Gasana Stephen, naho mu Karere ka Nyaruguru bakaba batoye Murwanashyaka Emmanuel.

Sebutege Ange na we yongeye gutorerwa kuyobora Akarere ka Huye ku majwi 304 mu gihe Bakundukize Redempta bari bahanganye, yagize amajwi 13, ndetse no mu Karere ka Nyanza, Ntazinda Erasme yongera gutororerwa kuyobora kariya Karere ku majwi 138 atsinze Dr Mukandori Denyse wagize amajwi 54 naho Mbonigaba agira amajwi 34.

Kambogo Ildephonse nwe watorewe kuyobora Akarere ka Rubavu asimbuye Habyarimana Gilbert.

Mu Karere ka Gatsibo, Gasana Richard na we akaba yongeye kugirirwa icyizere atorerwa kongera kuyobora aka Karere. Dr Sylvere Nahayo yatorewe kuyobora Akarere ka Kamonyi.

Mu Karere ka Nyamagabe, hatowe Niyomwungeri Hildebrand naho mu Karere ka Gisagara hatorwa Rutaburingoga Jerome.

Mu Karere ka Ngoma hatowe Niyonagira Nathalie, naho Mukandayisenga Antoinette yongera gutorerwa kuba Umuyobozi w’Akarere ka Nyabihu.

Mukanyirigira Judith ni we watorewe kuba Umuyobozi w’Akarere ka Rulindo mu gihe I Muhanga, Kayitare Jacqueline wari usanzwe ayobora akarere, ariwe wongeye gutorwa.

Ramuli Janvier yatorewe kuba Umuyobozi w’Akarere ka Musanze. Yari asanzwe akuriye Urwego rw’Abinjira n’Abasohoka mu Ntara y’Amajyaruguru.

Nyemazi John Bosco yatorewe kuyobora Akarere ka Kayonza mu gihe Murekatete Triphose ariwe watorewe kuba Umuyobozi w’Akarere ka Rutsiro.Dr Kibiriga Anicet niwe utorewe kuyobora Akarere ka Rusizi.

I Karongi, Komite Nyobozi yari isanzweho ni yo yongeye gutorwa. Igizwe na:

Meya ni Mukarutesi Vestine; Visi Meya ushinzwe ubukungu n’iterambere Niragire Theophile na Visi Meya ushinzwe imibereho myiza y’abaturage, Mukase Valentine.

Bwana Nkusi Christophe niwe watorewe kuyobora Akarere ka Ngororero muri Manda y’imyaka 5 iri imbere mu gihe Mukamasabo Appolonie yabaye Meya w’Akarere ka Nyamasheke.

Mu karere ka Rwamagana batoye Mbonyumuvunyi Radjab wari usanzwe akayobora mu gihe Umuyobozi w’Akarere wungirije ushinzwe Iterambere ry’Ubukungu yabaye Nyirabihogo Jeanne d’Arc.Umuyobozi w’Akarere wungirije ushinzwe imibereho myiza y’abaturage ni Mutoni Jeanne.

Mu karere ka Gakenke Meya watowe ni Nizeyimana JMV,Visi Meya ushinzwe ubukungu ni Niyonsenga Aime François mu gihe Visi Meya ushinzwe Imibereho myiza ari Uwamahoro Marie Thérèse.

Rangira Bruno yatorewe kuba Meya w’Akarere ka Kirehe. Yari asanzwe ari Umujyanama w’Umuyobozi w’Umujyi wa Kigali.

Umuhango wo kurahira uzaba ku wa Mbere tariki 22 Ugushyingo 2021.

URUTONDE RW’ABAYOBOZI B’UTURERE BATOWE

Intara y’Amajyaruguru

- Gicumbi: Nzabonimpa Emmanuel
- Burera: Uwanyirigira Marie Chantal
- Rulindo: Mukanyirigira Judith
- Musanze: Ramuli Janvier
- Gakenke: Nizeyimana JMV

Intara y’Iburasirazuba

- Bugesera: Mutabazi Richard
- Gatsibo: Gasana Richard
- Kayonza: Nyemazi John Bosco
- Kirehe: Bruno Rangira
- Ngoma: Niyonagira Nathalie
- Nyagatare: Gasana Steven
- Rwamagana: Mbonyumuvunyi Radjab

Intara y’Amajyepfo

- Gisagara: Rutaburingoga Jérôme
- Huye: Sebutege Ange
- Kamonyi: Dr Sylvere Nahayo
- Muhanga: Kayitare Jacqueline
- Nyamagabe: Niyomwungeri Hildebrand
- Nyanza: Ntazinda Erasme
- Nyaruguru: Murwanashyaka Emmanuel
- Ruhango: Habarurema Valens

Intara y’Iburengerazuba

- Karongi: Mukarutesi Vestine
- Ngororero: Nkusi Christophe
- Nyabihu: Mukandayisenga Antoinette
- Nyamasheke: Mukamasabo Appolonie
- Rubavu: Kambogo Ildephonse
- Rusizi: Dr Kibiriga Anicet
- Rutsiro: Murekatete Triphose

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umufasha wa Perezida w’U Burundi yahaye ubutumwa bukomeye Jeannette...

Umugore wa perezida w’u Burundi, Angeline Ndayishimiye Ndayubaha, yatangaje...
29 November 2021 0

U Rwanda rwahagaritse ingendo z’indege hagati yarwo n’ibihugu byo mu majyepfo...

Inama y’Abaminisitiri yateranye kuri iki Cyumweru tariki ya 28 Ugushyingo...
28 November 2021 0

Inama y’Igihugu y’Umushyikirano yasubitswe umwaka ushize yagarutse

Inama y’Igihugu y’Umushyikirano igiye kuba ku nshuro ya 18 aho biteganyijwe...
27 November 2021 0

Perezida Kagame yaganiriye na Aljazeera ku mubano w’u Rwanda na...

Perezida w’u Rwanda,Paul Kagame, yaganiriye n’Ikinyamakuru Aljazeera ku...
21 November 2021 0

AMATORA:Uturere 27 two mu Rwanda twatoye ba Meya bo kutuyobora mu myaka 5...

Kuri uyu wa Gatanu mu Turere 27 two hirya no hino mu Rwanda hakozwe...
19 November 2021 0

"Nkeka ko ababikoze bashatse gutubura amafaranga gusa"-Perezida Kagame...

Ibi Nyakubahwa Perezida wa Repubulika yabitangaje ubwo yitabiraga umuhango...
19 November 2021 0